၁၂၇. အန+ဃဏသွာ+ပရီဟိ ဠော

အာ+ပရီဟိ ပရဿ ဒဟဿ ဠော ဟောတ+န+ဃဏသု. ပရိဒဟနံ ပရိဠာဟော. ဧဝံ ဒါဟော. ဘဉ္ဇနံ သင်္ဂေါ. ဧဝံ သင်္ဂေါ. သံခရနံ သံခါရော၊ ‘‘ကရောတိဿ ခေါ’’တိ ကဿ ခေါ. ဧဝံ ပရိက္ခာရော. ‘‘ပုရသ္မာ’’တိ ကရဿ ခေါ၊ ပုရေက္ခာရော၊ ဧတ္တံ တဒမိနာဒိပါဌာ. ဧဝံ ဥပကာရော၊ ဂါဟော.

ဃ-ဝစတီတိ ဝကော. သိစ=ပဂ္ဃရဏေ၊ သေစနံ သေကော. ဧဝံ သောကော၊ ဧဩဝုဒ္ဓိယော. ယုဉ္ဇနံ ယောဂေါ.

က-ပီ=တပ္ပနေ၊ ပီနေတီတိ ပီယော၊ ကာနုဗန္ဓတ္တာ န ဝုဒ္ဓိ၊ ‘‘ယုဝဏ္ဏာန+မိယငုဝင သရေ’’တိ ဣယင. ခိပ=ပေရဏေ၊ ခိပတီတိ ခိပေါ. ဘုဉ္ဇန္တျ+နေနာတိ ဘုဇော. ယုဓ=သမ္ပဟာရေ အာယုဇ္ဈန္တိ အနေနာတိ အာယုဓံ.