၆၊၆၉. ဒက္ခ+ခ+ဟေတိ+ဟောဟီတိ လောပေါ

ဒက္ခာဒီဟိ အာဒေသေဟိ ပရဿ ဿဿ လောပေါ ဝါ ဟောတိ. ဒက္ခတိ ဒက္ခိဿတိ. အပဿိ ပဿိ၊ အပဿိံသု ပဿိံသု အပဿော ပဿော၊ အပဿိတ္ထ ပဿိတ္ထ. အပဿိံ ပဿိံ၊ အပဿိမှ ပဿိမှ. တထာ အဒဿီ ဒဿီ၊ အဒဿိံသု ဒဿိံသု ဣစ္စာဒိ. အနဇ္ဇတနေ ဒသာဒေသော၊ အဒ္ဒသာ အဒ္ဒသ. အဒ္ဒါ အဒ္ဒ ဣစ္စာဒိ. အပဿိဿ ဒက္ခိဿ ဣစ္စာဒိ. ပဿေယျ ဒက္ခေယျ၊ ပဿတု ဒက္ခတု ဣစ္စာဒိ.

သဒ=ဝိသရဏဂတျာဝသာဒနာဒါနေသု၊ နိပုဗ္ဗော၊ ‘‘ဇရသဒါန+မီမ ဝါ’’တိ ဤမအာဂမော. နိသီဒတိ၊ နိသီဒန္တိ ဣစ္စာဒိ. ဘာဝေ-နိသဇ္ဇတိ၊ နိသဇ္ဇတေ.

ယဇ=ဒေဝပူဇာသံဂတိကရဏဒါနေသု၊ ယဇတိ၊ ယဇန္တိ ဣစ္စာဒိ. ကမ္မေ –