၂၁. ဤအာဒေါ ဝစဿောမ

ဤအာဒီသု ဝစဿ ဩမ ဟောတိ. မကာရာနုဗန္ဓတ္တာ ‘‘မာနုဗန္ဓော သရာန+မန္တာ ပရော’’တိ ပရိဘာသတော သရာ ပရော. အဝေါစိ၊ အဝေါစုံ၊ အဝေါစော ဣစ္စာဒိ. အနဇ္ဇတနေ-အဝစ အဝစာ ဝစာ ဣစ္စာဒိ. ကြိယာတိပတ္တိယံ-အဝက္ခာ အဝစိဿာ၊ အဝက္ခိံသု အဝစိဿိံသု ဣစ္စာဒိ. ဝစေယျ ဣစ္စာဒိ. ကမ္မေ-ဝုစ္စေယျ ဣစ္စာဒိ. တထာ ဝစတု၊ ဝုစ္စတု ဣစ္စာဒိ.

ဘုဇ=ပါလနဇ္ဈောဟာရေသု၊ ‘‘ဘုဇာ’’ ဒိနာ က္ခဝါဒေသေ ဘောက္ခတိ ဘုဉ္ဇိဿတိ.

ကုသ=အက္ကောသေ၊ အာပုဗ္ဗော၊ တဿ ရဿော စ၊ အက္ကောသတိ ဣစ္စာဒိ ဉေယျံ၊ လဝိကရဏလောပဝုဒ္ဓိယော.