၄၉. ကျဿ ဿေ

ကျဿ ဝါ လောပေါ ဟောတိ ဿေ. သုခံ တယာ အနုဘဝိဿတိ၊ အနုဘဝိဿန္တိ. အနုဘဝိဿသိ၊ အနုဘဝိဿထ. အနုဘဝိဿာမိ၊ အနုဘဝိဿာမ. အညတြ အနုဘူယိဿတိ၊ အနုဘူယိဿန္တိ ဣစ္စာဒိ. ဧဝံ ပရစ္ဆက္ကေ. ဘာဝေ-ဘူယိဿတိ ဘူယိဿတေ.

ကတ္တရိ-ပစိဿတိ၊ ပစိဿန္တိ ဣစ္စာဒိ. ကမ္မေ-ပစိဿတိ ဩဒနော ဒေဝဒတ္တေန၊ ပစီယိဿတိ၊ ပစ္စိဿတိ. ပစ္စိဿန္တိ ဩဒနာ ပစီယိဿန္တိ၊ ပစီယိဿရေ၊ ပစ္စိဿရေ၊ ပစ္စိဿန္တိ.

ဂမိတော ကတ္တရိ-သော ဂစ္ဆိဿတိ၊ တေ ဂစ္ဆိဿန္တိ. တွံ ဂစ္ဆိဿသိ၊ တုမှေ ဂစ္ဆိဿထ. အဟံ ဂစ္ဆိဿာမိ၊ မယံ ဂစ္ဆိဿာမ. ဂစ္ဆိဿတေ၊ ဂစ္ဆိဿန္တေ. ဂစ္ဆိဿသေ၊ ဂစ္ဆိဿဝှေ. ဂစ္ဆိဿံ၊ ဂစ္ဆိဿာမှေ. သဂ္ဂံ ဂမိဿတိ၊ ဂမိဿန္တိ. ဂမိဿသိ၊ ဂမိဿထ. ဂမိဿာမိ၊ ဂမိဿာမ ဣစ္စာဒိ. ကမ္မေ-ဂစ္ဆိယိဿတိ၊ ဂစ္ဆိယိဿန္တိ ဣစ္စာဒိ. ကျလောပေ ဂမိဿတိ၊ ဂမိဿန္တိ ဣစ္စာဒိ. တထာ ဃမ္မိဿတိ ဃမ္မီယိဿတိ၊ ဃမ္မိဿန္တိ၊ ဃမ္မီယိဿန္တိ ဣစ္စာဒိ.