၅၊၂. ကိတာ တိကိစ္ဆာ+သံသယေသု ဆော

တိကိစ္ဆာယံ သံသယေ စ ဝတ္တမာနာ ကိတာ ဆော ဟောတိ. ကိတ=နိဝါသေ၊ ဆပစ္စယေ ပုဗ္ဗေဝ ပရရူပါဒိမှိ စ ကတေ ‘‘ကိတဿာ+သံသယေ ဝါ’’တိ ဒွိတ္တေ ပုဗ္ဗဿ တိအာဒေသေ တိကိစ္ဆဓာတုတော တျာဒယော. တိကိစ္ဆတိ၊ တိကိစ္ဆန္တိ+စ္စာဒိ. ဝိပုဗ္ဗတော ကိတာ ဆပ္ပစ္စယာဒိမှိ ကတေ ‘‘ကဝဂ္ဂဟာနံ စဝဂ္ဂဇာ’’တိ ဒွိတ္တေ ပုဗ္ဗဿ ကဿ စော. ဝိစိကိစ္ဆတိ၊ ဝိစိကိစ္ဆန္တိ+စ္စာဒိ. ပယောဇကတ္တာ ကေတယတိ+စ္စာဒိ ပုရိမသမံ.