၁၊၁၅. စုရာဒိတော ဏိ

စုရာဒီဟိ ကြိယတ္ထေဟိ သကတ္ထေ ဏိ ပရော ဟောတိ. ‘‘ဏိဏာပျာပီဟိ ဝါ’’တိ ဝိကပ္ပေန လော. ဓနံ စောရယတိ စောရေတိ ဣစ္စာဒိ. ကမ္မေ-စောရီယတိ ဣစ္စာဒိ. စောရယိဿတိ စောရေဿတိ ဣစ္စာဒိ. ကမ္မေ-စောရီယိဿတိ ဣစ္စာဒိ. အစောရယိ စောရယိ အစောရေသိ စောရေသိ ဣစ္စာဒိ. အစောရယိဿ ဣစ္စာဒိ. ကမ္မေ-အစောရီယိဿ ဣစ္စာဒိ. စောရယေ စောရယေယျ ဣစ္စာဒိ. စောရေတု စောရေန္တု ဣစ္စာဒိ.

စိန္တ=စိန္တာယံ၊ သံယောဂတ္တာ န ဝုဒ္ဓိ၊ စိန္တေတိ စိန္တယတိ၊ စိန္တေန္တိ. ကမ္မေ-စိန္တီယတိ၊ စိန္တီယန္တိ ဣစ္စာဒိ. မန္တ=ဂုတ္တဘာသနေ၊ မန္တေတိ မန္တယတိ ဣစ္စာဒိ. ပါလ=ရက္ခဏေ၊ သော ဓမ္မံ ပါလေတိ ပါလယတိ. တေန ပါလီယတိ+စ္စာဒိ. (စုရာဒိနယော).

ဘူဝါဒိ စ ရုဓာဒိ စ၊ ဒိဝါဒိ စ တုဒါဒယော၊

ဇျာဒီ ကိယာဒီ သွာဒီ စ၊ တနာဒီ စ စုရာဒယော.

(ဝိကရဏဝိဓာနံ).