၁၂၀. ဒိဿန္တ+ညေပိ ပစ္စယာတိ
ဝုတ္တတော+ညေပိ ပစ္စယာ ဒိဿန္တိ. ဝိဝိဓာ မာတရော ဝိမာတရောတိ ဝိသေသနသမာသော၊ တာသံ ပုတ္တာ ဝေမာတိကာတိ ရိကဏပစ္စယေ ရာနုဗန္ဓတ္တာ ဥလောပေ ဝုဒ္ဓိမှိ ကတေ ဝေမာတိကာ. ပထံ ဂစ္ဆန္တီတိ ပထာဝိနော၊ အာဝီ. ဣဿာ အဿ အတ္ထီတိ ဣဿုကီ၊ ဥကီ. ဓုရံ ဝဟန္တီတိ ဓောရယှာ၊ ယှဏ.
သာမညဉ္စ ဝိသေသော စ၊ ဘာဝဇော စ နိပါတဇော၊
ဣတိ ဝိညူဟိ ဝိညေယျော၊ တဒ္ဓိတော တု စတုဗ္ဗိဓော.
ဣတိ ပယောဂသိဒ္ဓိယံ ဏာဒိကဏ္ဍော ပဉ္စမော.