၁၁၉. အဘူတတဗ္ဘာဝေ ကရာ+သ+ဘူယောဂေ ဝိကာရာ စီ

အဝတ္ထာဝတော+ဝတ္ထန္တရေနာ+ဘူတဿ တာယာ+ဝတ္ထာယ ဘာဝေ ကရာ+သ+ဘူဟိ သမ္ဗန္ဓေ သတိ ဝိကာရဝါစကာစီ ဟောတိ. အဓဝလံ ဓဝလံ ကရောတိ ဓဝလီ ကရောတိ. အဓဝလော ဓဝလော သိယာ ဓဝလီ သိယာ. အဓဝလော ဓဝလော ဘဝတိ ဓဝလီ ဘဝတိ. အဘူတတဗ္ဘာဝေတိ ကိံ၊ ဃဋံ ကရောတိ၊ ဒဓိ အတ္ထိ၊ ဃဋော ဘဝတိ. ကရာသဘူယောဂေတိ ကိံ၊ အဓဝလော ဓဝလော ဇာယတေ. ဝိကာရာတိ ကိံ၊ ပကတိယာ မာ ဟောတု၊ သုဝဏ္ဏံ ကုဏ္ဍလီ ကရောတိ. (နိပါတတဒ္ဓိတံ).