၅. ပယျပါ ဗဟိ တိရော ပုရေ ပစ္ဆာ ဝါ ပဉ္စမျာ

ပရိအာဒယော ပဉ္စမျန္တေန သဟေ+ကတ္ထာ ဟောန္တိ ဝါ. ပရိ ပဗ္ဗတာ ပရိပဗ္ဗတံ. ဝါဿ ဝါကျဝိကပ္ပတ္ထတ္တာ ပရိ ပဗ္ဗတာ ဣစ္စာဒယောပိ ဟောန္တိ. အပ ပဗ္ဗတာ အပပဗ္ဗတံ၊ အာ ပါဋလိပုတ္တာ အာပါဋလိပုတ္တံ၊ ဗဟိ ဂါမာ ဗဟိဂါမံ၊ တိရော ပဗ္ဗတာ တိရောပဗ္ဗတံ၊ ပုရေ ဘတ္တာ ပုရေဘတ္တံ၊ ပစ္ဆာ ဘတ္တာ ပစ္ဆာဘတ္တံ၊ သဗ္ဗံ ဥပကုမ္ဘသမံ၊ ဣမိနာ သမာသော ဝိသေသော. ဧဝ+မုပရိသုတ္တေပိ.

ဝါတျ+ဓိကာရော –