၄၅. ဒီဃာဟောဝဿေကဒေသေဟိ စ ရတ္တျာတိ

ဒီဃာဒီဟိ ပရာယ ရတ္တိယာ အ ဟောတိ. ဒီဃာ စ သာ ရတ္တိ စာတိ ဒီဃရတ္တံ. အဟော စ ရတ္တိ စ အဟောရတ္တံ၊ အာပါဒိတ္တာ ဩ. ဝဿာသု ရတ္တိ ဝဿာရတ္တံ. ပုဗ္ဗာ စ သာ ရတ္တိ စာတိ ပုဗ္ဗရတ္တံ. ဧဝံ အပရရတ္တံ၊ အဍ္ဎရတ္တံ၊ အတိက္ကန္တော ရတ္တိံ အတိရတ္တော. ဒွေ ရတ္တိယော သမာဟဋာ ဒွိရတ္တံ. အနညာသံချတ္ထေသု တွေဝ၊ ဒီဃာ ရတ္တိ အသ္မိန္တိ ဒီဃရတ္တိ၊ ဟေမန္တော. ရတ္တိယာ သမီပံ ဥပရတ္တိ. ဗဟုလံဝိဓာနာ ကွစိ ဟောတေဝ၊ ရတ္တိပရိမာဏာနုရူပံ ယထာရတ္တံ.