၈. ဩရေ+ပရိ+ပဋိ+ပါရေ+မဇ္ဈေ+ဟေဋ္ဌု+ဒ္ဓါ+ဓော+န္တော ဝါ ဆဋ္ဌိယာ.

ဩရာဒယော သဒ္ဒါ ဆဋ္ဌိယန္တေန သဟေ+ကတ္ထာ ဝါ ဟောန္တိ. ဩရံ ဂင်္ဂါယ ဩရေဂင်္ဂါ၊ ဥပရိ သိခရဿ ဥပရိသိခရံ၊ ပဋိ=မုခံ သောတဿ ပဋိသောတံ၊ ပါရံ ယမုနာယ ပါရေယမုနံ၊ မဇ္ဈံ ဂင်္ဂါယ မဇ္ဈေဂင်္ဂံ၊ ဟေဋ္ဌာ ပါသာဒဿ ဟေဋ္ဌာပါသာဒံ၊ ဥဒ္ဓံ ဂင်္ဂါယ ဥဒ္ဓဂင်္ဂံ၊ အဓော ဂင်္ဂါယ အဓောဂင်္ဂံ၊ အန္တော ပါသာဒဿ အန္တောပါသာဒံ. ဣမိနာ နိပါတနာဝ နိဂ္ဂဟီတလောပေ စ ဧကာရေ စ ကတေ ဩရေစ္စာဒိ ဟောတိ.