၂၂၅. သမာသေ ဝါ

ဣတိ ဂဏသုတ္တေန ရာဇဿ နာ+သ္မာ+သ္မိံသု ယံ ဝုတ္တံ၊ တံ ဝါ ဟောတိ. ကာသိရညာ ကာသိရာဇိနာ ကာသိရာဇေန၊ ကာသိရာဇူဘိ ကာသိရာဇေဘိ ကာသိရာဇူဟိ ကာသိရာဇေဟိ. ကာသိရညော ကာသိရညဿ ကာသိရာဇိနော ကာသိရာဇဿ. ကာသိရညာ ကာသိရာဇသ္မာ. ကာသိရာဇူနံ ကာသိရာဇာနံ. ကာသိရညေ ကာသိရာဇိနိ ကာသိရာဇေ ကာသိရာဇမှိ ကာသိရာဇသ္မိံ၊ ကာသိရာဇူသု ကာသိရာဇေသု.

အဒ္ဓါ၊ အဒ္ဓါနော အဒ္ဓါ. ဘော အဒ္ဓ အဒ္ဓါ၊ အဒ္ဓါနော အဒ္ဓါ. အဒ္ဓါနံ အဒ္ဓံ၊ အဒ္ဓါနော အဒ္ဓေ.