၃၇. ပဌမာ+တ္ထမတ္တေ

နာမဿာ+ဘိဓေယျမတ္တေ ပဌမာဝိဘတ္တိ ဟောတီတိ ဝတ္တိစ္ဆာဝသာ ပဌမာယေ+ကဝစနဗဟုဝစနာနိ. သိ ယောဣတိ ပဌမာ. သိဿိ+ကာရဿာ+နုဗန္ဓတ္တာ အပ္ပယောဂေါ. ပယောဇနံ ‘‘ကိ+မံသိသူ’’တိ သံကေတော၊ တထာ အံဝစနဿာ+ကာရဿ. ဧတ္ထ တထာတိ ဝုတ္တဿာတိဒေသော အညဒီယဓမ္မာန+မညတ္ထပါပန+မတိဒေသော. ဧကမှိ ဝတ္တဗ္ဗေ ပဌမေကဝစနံ သိ.

အတောတိ ဝတ္တတေ၊ အတောတိ နာမဝိသေသနတ္တာ ‘‘ဝိဓိဗ္ဗိသေသနန္တဿာ’’တိ ပရိဘာသတော အကာရန္တတော နာမသ္မာ ဝိဓိ.