၂၃၃. ယောနံဟိသွ+ပဉ္စမျာ ဝေါ+နော

အပဉ္စမိယာယောနံဟိသွ+ပါဒါဒေါ ဝတ္တမာနာနံ ပဒသ္မာ ပရေသ+မေကဝါကျေ ဌိတာနံ တုမှအမှသဒ္ဒါနံ သဝိဘတ္တီနံ ဝေါ+နော ဟောန္တိ ဝါ ယထာက္ကမံ. ဂါမံ ဝေါ ဂစ္ဆေယျာထ၊ ဂါမံ တုမှေ ဂစ္ဆေယျာထ. ဂါမံ နော ဂစ္ဆေယျာမ၊ ဂါမံ အမှေ ဂစ္ဆေယျာမ. ပဟာယ ဝေါ ဂမိဿာမိ၊ မာ နော ဝိကန္တိံသု. ဒီယတေ ဝေါ၊ ဒီယတေ တုမှံ. ဒီယတေ နော၊ ဒီယတေ အမှံ. တုဋ္ဌော+သ္မိ ဝေါ ပကတိယာ၊ တုဋ္ဌော+သ္မိ တုမှံ. သတ္ထာ နော ဘဂဝါ၊ ဧသော အမှာကံ သတ္ထာ. ကတံ ဝေါ၊ ကတံ တုမှေဟိ. ကတံ နော၊ ကတံ အမှေဟိ.