၅၄. တေ+တိ+မာတော သဿ ဿာယ

တာ+ဧတာ+ဣမာတော သဿ ဿာယော ဟောတိ ဝါ. အဿာယ နဿာယ တိဿာယ တဿာယ၊ ‘‘ဃပတေ’’စ္စာဒိနာ ယာဒေသေ နာယ တာယ. နံဝစနဿ သ+မာဒေသေ တကာရဿ စ ဝါ ဋာဒေသေ အာသံ နာသံ နာသာနံ တာသံ တာသာနံ. သတ္တမိယံ အဿံ အဿာ နဿံ နဿာ နာယံ နာယ တိဿံ တိဿာ တဿံ တဿာ တာယံ တာယ၊ နာသု တာသု.

နပုံသကေ နံ တံ၊ နာနိ တာနိ. နံ တံ၊ နေ နာနိ တေ တာနိ. သေသံ ပုမေဝ.

‘‘ယံတံသဒ္ဒါ နိစ္စသမ္ဗန္ဓာ’’တိ ဉာယာ ယံသဒ္ဒေန အနိယမိတတ္ထံ တံသဒ္ဒေါ နိယမေတိ.

ပသိဒ္ဓေ အနုဘူတတ္ထေ၊ ပက္ကန္တဝိသယေ တထာ၊

ယံသဒ္ဒ+မနပေက္ခေဝ၊ တံသဒ္ဒေါ ယုဇ္ဇတေ သဒါတိ –

ဝုတ္တတ္တာ ဧတ္ထေဝ တံသဒ္ဒေါ ယံသဒ္ဒံ နာပေက္ခတိ. ယထာက္ကမံ တတြိ+ဒ+မုဒါဟရဏံ –

(.) ‘‘နမော တဿာ’’တိ စ၊ (.) ‘‘အဂ္ဂိမ္ပ+က္ခိနာ။ပေ။ ဉာတကာရီ ဟိ သော ဇိနော’’တိ စ၊ (..) ပုရိမဂါထာယ ဝုတ္တမုနိသဒ္ဒ+မပေက္ခိတွာ ‘‘သဝါသနေ ကိလေသေ သော’’တိ စ.

ဧသော၊ ဧတေ. ဧသာ၊ ဧတာ ဧတာယော၊ ဧတံ၊ ဧတာနိ ဣစ္စာဒိ ဋ+နာဒေသာဘာဝေါဝ ဝိသေသော.

ဣမ သိ၊