၁၁၆. ယေ ပဿိ+ဝဏ္ဏဿ

ပသညဿ ဣဝဏ္ဏဿ လောပေါ ဟောတိ ဝါ ယကာရေ. ‘‘ပရော ကွစီ’’တိ အနုဝတ္တိတကွစိဂ္ဂဟဏာ ယေ ပရေ စ-ကာရ+ပုဗ္ဗရူပါ- နိ န ဟောန္တိ. မတျော. အညတြ ‘‘ဇန္တွာ’’ဒိနာ ယောလောပေါ၊ ဒီဃော၊ မတီ မတိယော. ဘော မတိ မတီ၊ မတျော မတီ မတိယော. မတိံ၊ မတျော မတီ မတိယော. မတိယာ၊ မတီဟိ မတီဘိ. မတျာ မတိယာ၊ မတီနံ. သ္မိနော ယံ၊ မတျံ မတိယံ မတျာ မတိယာ၊ မတီသု. ဧဝံ –

ပတ္တိ ယုတ္တိ ဝုတ္တိ ကိတ္တိ၊ မုတ္တိ တိတ္တိ ခန္တိ ကန္တိ၊

သန္တိ တန္တိ သိဒ္ဓိ သုဒ္ဓိ၊ ဣဒ္ဓိ ဝုဒ္ဓိ ဗုဒ္ဓိ ဗောဓိ.

ဘူမိ ဇာတိ ပီတိ သုတိ၊ နန္ဒိ သန္ဓိ သောဏိ ကောဋိ၊

ဒိဋ္ဌိ ဝုဋ္ဌိ တုဋ္ဌိ ယဋ္ဌိ၊ ပါဠိ အာဠိ နာဠိ ကေဠိ.

သတိ မုတိ ဂတိ စုတိ၊ ဓိတိ ယုဝတိ ဝိကတိ၊

ရတိ ရုစိ ရသ္မိ အသနိ၊ ဝသနိ ဩသဓိ အင်္ဂုလိ၊

ဓူလိ ဒုဒြဘိ ဒေါဏိ၊ အဋဝိ ဆဝိ ဣစ္စာဒိ.