၁၇၇. ပိတာဒီန+မနတွာဒီနံ

နတွာဒိဝဇ္ဇိတာနံ ပိတာဒီန+မာရော ရဿော ဟောတိ သဗ္ဗာသု ဝိဘတ္တီသု. ‘‘လ္တု+ပိတာဒီန+မသေ’’ ‘‘သု+ဟိသွာ+ရင’’ ‘‘နံမှိ ဝါ’’တိ ဧတ္ထ ဝုတ္တဝိဘတ္တီသု ပရေသု အာရင ဟောတီတိ တာ ဝိဘတ္တိယော ပဋိစ္စ သဗ္ဗာသူတိ ဝုတ္တံ. ပိတရော. ဘော ပိတ ပိတာ၊ ပိတရော. ပိတရံ၊ ပိတရေ ပိတရော. ပိတရာ၊ ပိတရေဟိ ပိတရေဘိ ပိတူဟိ ပိတူဘိ. ပိတု ပိတုနော ပိတုဿ၊ ပိတရာနံ ပိတူနံ. ‘‘ပိတုန္နံ’’တိ နံမှိ ဒီဃေ ရဿ+ဒွိတ္တာနီတိ ဝုတ္တံ. ‘‘သာနုဝုတ္တံ သုတ္တံ’’တိ ဉာယာ ‘‘ဗဟုကတိန္နံ’’တိ ဧတ္ထ နုက-ဣတိ ယောဂဝိဘာဂေနပိ သိဇ္ဈတိ ဧတ္ထ အနုဝတ္တိတနံမှိ. ပဉ္စမီဆဋ္ဌီ တတိယာစတုတ္ထီသမံ. ပိတရိ၊ ပိတရေသု ပီတူသု၊ ရဿာဘာဝေါ. နတ္တာ၊ နတ္တာရော. ဘော နတ္တ နတ္တာ၊ နတ္တာရော ဣစ္စာဒိ ဝတ္တုသမံ.

ဂုဏဝန္တု သိ၊