၈၄. ဇန္တွာဒိတော နော စ

ဇန္တွာဒိတော ယောနံ နော ဟောတိ ဝေါ စ ပုလ္လိင်္ဂေ. ဇန္တုနော ဇန္တဝေါ ဇန္တုယော. ဘော ဇန္တု ဇန္တူ၊ ဇန္တုနော၊ ‘‘ပုမာလပနေ ဝေဝေါ’’တိ ဝေ+ဝေါ၊ ဇန္တဝေ ဇန္တဝေါ ဇန္တုယော. ဇန္တုံ၊ ဇန္တူ ဇန္တုနော ဇန္တဝေါ ဇန္တုယော. သေသံ ဘိက္ခုသမံ.

ဟေတု၊ ဟေတူ ဟေတဝေါ. ‘‘ယောမှိ ဝါ ကွစီ’’တိ လသညဿ ဥဿ ဝါ ဋာဒေသော၊ ဟေတယော. ယောမှိ အန္တရင်္ဂတ္တာ ပဌမံ ဋာဒေသေ ကတေ ပစ္ဆာ ယောလောပါဘာဝေါ၊ တထာ ဟိ အန္တရင်္ဂ+ဗာဟိရင်္ဂဝိဓာနေသွ+န္တရင်္ဂဝိဓိယေဝ ဗလဝါ. ဧတ္ထ စ ပကတိနိဿိတ+မန္တရင်္ဂံ၊ ပစ္စယနိဿိတံ ဗာဟိရင်္ဂံ. ဟေတုယော. ဘော ဟေတု၊ ဟေတူ ဟေတဝေ ဟေတဝေါ ဟေတယော ဟေတုယော. သေသံ ပုဗ္ဗသမံ.

ဗဟုတော နံမှိ –