၇၆. နခါ

သညာသဒ္ဒေသုစာတိအာဒိနာ အဝယဝတ္ထနိရပေက္ခာနမ္ပိ ယထာကထဉ္စိ နိပ္ဖတ္တိံ ဒဿေန္တော သဗ္ဗေသမေဝ သဒ္ဒါနံ နိပ္ဖန္နဝါစိတဉ္စာတ္တနော ဒီပေတိ၊ ယထာကထဉ္စိ နိပ္ဖတ္တိ၊ ရုဠှိယာ အတ္ထနိစ္ဆယော၊ တေန သညေစ္စာဒေါ-ဓိပ္ပါယံ ဝိဝရတိ ‘ယံကိဉ္စိ’တျာဒိနာ၊ ဣတ္ထီ စ ပုမာ စ ဣတ္ထိပုမံ၊ န ဣတ္ထိ ပုမန္တိ သမာသေ နိပါတနေနိမိနာ နပုံသကာဒေသော [နပုံသကနိဒ္ဒေသော (ပေါတ္ထကေ)] တိ ဒဿေတိ ‘န ဣတ္ထိ’စ္စာဒိနာ. ခီ-ခယေ၊ ခရ-ဝိနာသေ စာတိ ဟိ ဧတေဟိ ‘န ခီယတိ န ခရတီ’တိ အတ္ထေ ‘‘ဘာဝကာရကေသွ ဃဏ ဃကာ’’တိ (၅-၄၄) အပ္ပစ္စယေ’ န ခယ န ခရ’ဣတိ ဌိတေ ခတ္တာဒေသောတိ အာဟ- န ခီယတိ’စ္စာဒိ.