၄၅. ဒီဃာ

ဒီဃရတ္တန္တျာဒေါ နာနုသိဋ္ဌတ္တာ လိင်္ဂဝိသေသဿ ကထံ နပုံသကတ္တမေဝိစ္စာသင်္ကိယ စောဒေတိ ‘နနုစေ’စ္စာဒိ. နာယံဒေါသောစ္စာဒိနာ ပရိဟရတိ. ‘‘လိင်္ဂံ နာနုသာသနီယံ လောကနိဿယတ္တာ လိင်္ဂဿာ’’တီဒမာလမ္ဗ ဝဒတိ ‘လောကေ’တိအာဒိ. အထဝါတိ ပက္ခန္တရောပဒဿနတ္ထေ နိပါတော၊ ဝိဘဇ္ဇာတိ ဝိဘဇိတွာ. ကွစီတိ ယောဂဝိဘာဂေနာတိ အဓိပ္ပါယော.

အဟောရတ္တန္တိ သမာဟာရေ (စတ္ထ) သမာသာ နပုံသကတ္တံ. အတိရတ္တောတိ ပုလ္လိင်္ဂေ ပါဒိသမာသော၊ သမုဒါယသဒ္ဒဿာပျဝယဝေ ဝုတ္တိ သဗ္ဘာဝတော ဧကဒေသဝစနော ပုဗ္ဗရတ္တာဒေါ ရတ္တိသဒ္ဒေါစ္စာဟ-‘ပုဗ္ဗာ စ သာ ရတ္တိ စာ’တိအာဒိ. ဧဝမေကရတ္တန္တိ ပါဌေန န ဘဝိတဗ္ဗံ။ တဿ သမာဟာရေန သမာသတ္တာဘာဝါ. နပုံသကလိင်္ဂမ္ပန လောကသန္နိဿ ယတ္တာ ဝိညေယျံ.

အသမာသန္တပက္ခေတိ သမာသန္တအပ္ပစ္စယဿာဘာဝပက္ခေ. ပုဗ္ဗာ အတိက္ကန္တာ ရတ္တိ ပုဗ္ဗရတ္တီ(တိ ရတ္တိ သဒ္ဒေါ) နေကဒေသဝစနောတိ သမာသန္တာဘာဝေါ.