၂၀၅. န္တ

နနု န္တန္တူနန္တိ တဒန္တာ ဂယှန္တိ ပစ္စယဂ္ဂဟဏပရိဘာသာယ၊ တထာ သတိ ကာရိယိတ္တေန တဒန္တာဝ ဂယှန္တိ ကထံ န္တန္တူယေဝါ တျာသင်္ကိယာဟ- တေယေဝေ’စ္စာဒိ၊ ပစ္စက္ခတာယာတိ [သုတထာယ-ပဉ္စိကာ] သုတတ္တာ၊ ဗလဝတ္တာ တေယေဝ ကာရိယိတ္တေန ဂယှန္တီတိ သမ္ဗန္ဓော၊ န တဒန္တာ၊ ဒုဗ္ဗလာတိ ဗျတိရေကံ ဝတွာ ဒုဗ္ဗလတ္တေ ကာရဏမာဟ- ‘အနုမိတတ္တာ’တိ၊ အနုမိတတ္တံ သာဓေတုမာဟ- ‘အနုမိတာဟိ’စ္စာဒိ၊ ဘဝိဘတ္တီနန္တိ ပါဌော ယုတ္တ တရော၊ တဿ အန္တာဒေသေ အကာရေတိ သမ္ဗန္ဓော.