၁၂. ဟီနေ

ဝိသယဘာဝေနာတိအာဒိနာ ဟီနတ္ထေတိ ဝိသယသတ္တမိတ္တမာဟ၊ ဝိဇာနနပ္ပကာရမာဟ-‘ဟီနေ’စ္စာဒိ၊ တေနာတိ အနုနာ၊ ကထံ တေန ယုတ္တတ္တံ ဥက္ကဋ္ဌဿာတိ ဟီနုက္ကဋ္ဌသမ္ဗန္ဓမုခေန ဝိဘာဝေန္တော’တတ္ထာ’တိအာဒိမာဟ၊ တတ္ထာတိ ဟီနေစ္စာဒိနာ ဝုတ္တေ တသ္မိံ၊ ယတောတိ ဥက္ကဋ္ဌသာရိပုတ္တာဒိကော၊ ဟီနောတိ ပညဝတ္တာဒိ(တော နိက္ကဋ္ဌော၊ သော သာရိပုတ္တာဒိကော ဥက္ကဋ္ဌော) ဟီနတ္ထဝိသယော ဇာယတေ။ တဗ္ဗိသယေ တဿ ဥက္ကဋ္ဌတာ ပတ္တိတော၊ ဟီနုက္ကဋ္ဌသမ္ဗန္ဓော ပန အတိသာယနာဒိကာယ ကာယစိ ကိရိယာယ ကတောတိ ဒဋ္ဌဗ္ဗံ.