(၆) ဆဋ္ဌော ကဏ္ဍော (တျာဒိ)
၁. ဝတ္တမာနေ တိ အန္တိ၊ သိ ထ၊ မိ မ၊ တေ အန္တေ၊ သေ ဝှေ၊ ဧ မှေ.
၂. ဘဝိဿတိ ဿတိ ဿန္တိ၊ ဿသိ ဿထ၊ ဿာမိ ဿာမ၊ ဿတေ ဿန္တေ၊ ဿသေ ဿဝှေ၊ ဿံ ဿာမှေ.
၃. နာမေ ဂရဟာဝိမှယေသု.
၄. ဘူတေ ဤ ဥံ၊ ဩ တ္ထ၊ ဣံ မှာ၊ အာ ဦ၊ သေ ဝှံ၊ အ မှေ.
၅. အနဇ္ဇတနေ အာ ဦ၊ ဩ တ္ထ၊ အ မှာ၊ တ္ထ တ္ထုံ၊ သေ ဝှံ၊ ဣံ မုသေ.
၆. ပရောက္ခေ အ ဥ၊ ဧ တ္ထ၊ အ မှ၊ တ္ထ ရေ၊ တ္ထော ဝှေါ၊ ဣ မှေ.
၇. ဧယျာဒေါ ဝါ တိပတ္တိယံ ဿာ ဿံသု၊ ဿေ ဿထ၊ ဿံ ဿာမှာ၊ ဿထ ဿိံသု၊ ဿသေ ဿဝှေ၊ ဿိံ ဿာမှသေ.
၈. ဟေတုဖလေသွေယျ ဧယျုံ၊ ဧယျာသိ ဧယျာထ၊ ဧယျာမိ ဧယျာမ၊ ဧထ ဧရံ၊ ဧထော ဧယျာဝှေါ၊ ဧယျံ ဧယျာမှေ.
၉. ပဉ္စပတ္ထနာဝိဓီသု.
၁၀. တု အန္တု၊ ဟိ ထ၊ မိမ၊ တံ အန္တံ၊ ဿု ဝှေါ၊ ဧ အာမဓသ.
၁၁. သတျရဟေသွေယျာဒီ.
၁၂. သမ္ဘာဝနေ ဝါ.
၁၃. မာယောဂေ ဤအာအာဒီ.
၁၄. ပုဗ္ဗာပရစ္ဆက္ကာန မေကာနေကေသု တုမှာမှသေသေသု ဒွေဒွေ မဇ္ဈိမုတ္တမပဌမာ.
၁၅. အာဤဿာဒီသွဥ ဝါ.
၁၆. အအာဒီသွာဟော ဗြူဿ.
၁၇. ဘူဿ ဝုက.
၁၈. ပုဗ္ဗဿ အ.
၁၉. ဥဿံ သွာဟာ ဝါ.
၂၀. တျန္တီနံ ဋဋူ.
၂၁. ဤအာဒေါ ဝစဿောမ.
၂၂. ဒါဿ ဒံ ဝါ မိမေသွဒွိတ္တေ.
၂၃. ကရဿ သောဿ ကုံ.
၂၄. ကာ ဤအာဒီသု.
၂၅. ဟာဿ စာဟင ဿေန.
၂၆. လဘဝသစ္ဆိဒဘိဒရုဒါနံ စ္ဆင.
၂၇. ဘုဇ မူစ ဝစ ဝိသာနံ က္ခင.
၂၈. အာဤအာဒီသု ဟရဿာ.
၂၉. ဂမိဿ.
၃၀. ဍံသဿ စ ဆင.
၃၁. ဟူဿ ဟေ ဟေဟိ ဟောဟီ ဿတျာဒေါ.
၃၂. ဏာနာသု ရဿော.
၃၃. အာဤဦမှာဿာဿမှာနံ ဝါ.
၃၄. ကုသရုဟေဟီ-ဿ ဆိ.
၃၅. အဤဿအာဒီနံ ဗျဉ္ဇနဿိဥ.
၃၆. ဗြူတော တိဿီဥ.
၃၇. ကျဿ.
၃၈. ဧယျာထဿေအအာဤထာနံ ဩအအံတ္ထတ္ထောဝှေါက.
၃၉. ဥံဿိံ သွံသု.
၄၀. ဧဩတ္တာ သုံ.
၄၁. ဟူတော ရေသုံ.
၄၂. ဩဿ အဣတ္ထတ္ထော.
၄၃. သိ.
၄၄. ဒီဃာ ဤဿ.
၄၅. မှာတ္ထာန မှ.
၄၆. ဣံဿ စ သိဥ.
၄၇. ဧယျုံဿုံ.
၄၈. ဟိဿ-တော လောပေါ.
၄၉. ကျဿ ဿေ.
၅၀. အတ္ထိတေယျာဒိစ္ဆန္နံ သ သု သ သထ သံ သာမ.
၅၁. အာဒိဒွိန္နမိယာဣယုံ.
၅၂. တဿ ထော.
၅၃. သိဟိသွဋ.
၅၄. မိမာနံ ဝါ မိမှာ စ.
၅၅. ဧသုင.
၅၆. ဤအာဒေါ ဒီဃော.
၅၇. ဟိမိမေသွဿ.
၅၈. သကာ ဏာဿ ခ ဤအာဒေါ.
၅၉. ဿေ ဝါ.
၆၀. တေသု သုတော က္ဏောက္ဏာနံ ရောဋ.
၆၁. ဉာဿ သနာဿ နာယော တိမှိ.
၆၂. ဉာမှိ ဇံ.
၆၃. ဧယျာဿိယာဉာ ဝါ.
၆၄. ဤဿတျာဒီသု က္နာလောပေါ.
၆၅. ဿဿ ဟိ ကမ္မေ.
၆၆. ဧတိသ္မာ.
၆၇. ဟနာ ဆ ခါ.
၆၈. ဟတော ဟ.
၆၉. ဒက္ခခဟေဟိ ဟောဟီဟိ လောပေါ.
၇၀. ကယိရေယျဿေယျုမာဒီနံ.
၇၁. ဋာ.
၇၂. ဧထဿာ.
၇၃. လဘာ ဣံဤနံ ထံထာ ဝါ.
၇၄. ဂုရုပုဗ္ဗာ ရဿာ ရေ-န္တေ-န္တိနံ.
၇၅. ဧယျေယျာသေယျန္နံ ဋေ.
၇၆. ဩဝိကရဏဿု ပရစ္ဆက္ကေ.
၇၇. ပုဗ္ဗစ္ဆက္ကေ ဝါ ကွစိ.
၇၈. ဧယျာမဿေ မုစ.
ဣတိ မောဂ္ဂလ္လာနေ ဗျာကရဏေ တျာဒိကဏ္ဍော ဆဋ္ဌော.