? နမော တဿ ဘဂဝတော အရဟတော သမ္မာသမ္ဗုဒ္ဓဿ
မောဂ္ဂလ္လာနသုတ္တပါဌော
(၁) ပဌမော ကဏ္ဍော (သညာဒိ)
၁. အအာဒယော တိတာလီသ ဝဏ္ဏာ.
၂. ဒသာ-ဒေါ သရာ.
၃. ဒွေဒွေ သဝဏ္ဏာ.
၄. ပုဗ္ဗော ရဿော.
၅. ပရော ဒီဃော.
၆. ကာဒယော ဗျဉ္ဇနာ.
၇. ပဉ္စ ပဉ္စကာ ဝဂ္ဂါ.
၈. ဗိန္ဒု နိဂ္ဂဟီတံ.
၉. ဣယုဝဏ္ဏာ ဈလာ နာမဿန္တေ.
၁၀. ပိတ္ထိယံ.
၁၁. ဃာ.
၁၂. ဂေါ သျာလပနေ.
(သညာ)
၁၃. ဝိဓိဗ္ဗိသေသနန္တဿ.
၁၄. သတ္တမိယံ ပုဗ္ဗဿ.
၁၅. ပဉ္စမိယံ ပရဿ.
၁၆. အာဒိဿ.
၁၇. ဆဋ္ဌိယန္တဿ.
၁၈. ဝါနုဗန္ဓော.
၁၉. ဋာနုဗန္ဓာ-နေကဝဏ္ဏာ သဗ္ဗဿ.
၂၀. ဉကာနုဗန္ဓာဒျန္တာ.
၂၁. မာနုဗန္ဓော သရာနမန္တာ ပရော.
၂၂. ဝိပ္ပဋိသေဓေ.
၂၃. သင်္ကေတော-နဝယဝေါ-နုဗန္ဓော.
၂၄. ဝဏ္ဏပရေန သဝဏ္ဏော-ပိ.
၂၅. န္တု ဝန္တုမန္တွာဝန္တုတဝန္တုသမ္ဗန္ဓီ.
ပရိဘာသာ
၂၆. သရော လောပေါ သရေ.
၂၇. ပရော ကွစိ.
၂၈. န ဒွေ ဝါ.
၂၉. ယုဝဏ္ဏာနမေဩ လုတ္တာ.
၃၀. ယဝါ သရေ.
၃၁. ဧဩနံ.
၃၂. ဂေါဿာဝင.
၃၃. ဗျဉ္ဇနေ ဒီဃရဿာ.
၃၄. သရမှာ ဒွေ.
၃၅. စတုတ္ထဒုတိယေသွေသံ တတိယပဌမာ.
၃၆. ဝီ-တိဿေ-ဝေ ဝေါ.
၃၇. ဧဩနမ ဝဏ္ဏေ.
၃၈. နိဂ္ဂဟီတံ.
၃၉. လောပေါ.
၄၀. ပရသရဿ.
၄၁. ဝဂ္ဂေ ဝဂ္ဂန္တော.
၄၂. ယေဝဟိသု ဉော.
၄၃. ယေ သံဿ.
၄၄. မယဒါ သရေ.
၄၅. ဝနတရဂါ စာ-ဂမာ.
၄၆. ဆာ ဠော.
၄၇. တဒမိနာဒီနိ.
၄၈. တဝဂ္ဂဝရဏာနံ ယေ စဝဂ္ဂဗယဉာ.
၄၉. ဝဂ္ဂလသေဟိ တေ.
၅၀. ဟဿ ဝိပလ္လာသော.
၅၁. ဝေ ဝါ.
၅၂. တထနရာနံ ဋဌဏလာ.
၅၃. သံယောဂါဒိလောပေါ.
၅၄. ဝိစ္ဆာဘိက္ခညေသု ဒွေ.
၅၅. သျာဒိလောပေါ ပုဗ္ဗဿေ-ကဿ.
၅၆. သဗ္ဗာဒီနံ ဝီတိဟာရေ.
၅၇. ယာဝဗောဓံ သမ္ဘမေ.
၅၈. ဗဟုလံ.
ဣတိ မောဂ္ဂလ္လာနေ ဗျာကရဏေ သညာဒိကဏ္ဍော ပဌမော.
(၂) ဒုတိယော ကဏ္ဍော (သျာဒိ)
၁. ဒွေ ဒွေကာ-နေကေသု နာမသ္မာ သိ ယော၊ အံ ယော၊ နာ ဟိ၊ သ နံ၊ သ္မာ ဟိ၊ သ နံ၊ သ္မိံ သု.
၂. ကမ္မေ ဒုတိယာ.
၃. ကာလဒ္ဓါနမစ္စန္တသံယောဂေ.
၄. ဂတိဗောဓာဟာရသဒ္ဒတ္ထာကမ္မကဘဇ္ဇာဒီနံ ပယောဇ္ဇေ.
၅. ဟရာဒီနံ ဝါ.
၆. န ခါဒါဒီနံ.
၁. ဝဟိဿာ-နိယန္တုကေ (ဂဏ).
၂. ဘက္ခိဿာဟိံသာယံ (ဂဏ).
၇. ဓျာဒီဟိ ယုတ္တာ.
၈. လက္ခဏိတ္တမ္ဘူတဝိစ္ဆာသွဘိနာ.
၉. ပတိပရီဟိ ဘာဂေ စ.
၁၀. အနုနာ.
၁၁. သဟတ္ထေ.
၁၂. ဟီနေ.
၁၃. ဥပေန.
၁၄. သတ္တမျာဓိကျေ.
၁၅. သာမိတ္တေ-ဓိနာ.
၁၆. ကတ္တုကရဏေသု တတိယာ.
၁၇. သဟတ္ထေန.
၁၈. လက္ခဏေ.
၁၉. ဟေတုမှိ.
၂၀. ပဉ္စမီဏေ ဝါ.
၂၁. ဂုဏေ.
၂၂. ဆဋ္ဌီ ဟေတွတ္ထေဟိ.
၂၃. သဗ္ဗာဒိတော သဗ္ဗာ.
၂၄. စတုတ္ထီ သမ္ပဒါနေ.
၂၅. တာဒတ္ထျေ.
၂၆. ပဉ္စမျဝဓိသ္မာ.
၂၇. အပပရီဟိ ဝဇ္ဇနေ.
၂၈. ပဋိနိဓိပဋိဒါနေသု ပတိနာ.
၂၉. ရိတေ ဒုတိယာ စ.
၃၀. ဝိနာ-ညတြ တတိယာ စ.
၃၁. ပုထနာနာဟိ.
၃၂. သတ္တမျာဓာရေ.
၃၃. နိမိတ္တေ.
၃၄. ယဗ္ဘောဝေါ ဘာဝလက္ခဏံ.
၃၅. ဆဋ္ဌီ စာ-နာဒရေ.
၃၆. ယတော နိဒ္ဓါရဏံ.
၃၇. ပဌမာ-တ္ထမတ္တေ.
၃၈. အာမန္တဏေ.
၃၉. ဆဋ္ဌီ သမ္ဗန္ဓေ.
၄၀. တုလျတ္ထေန ဝါ တတိယာ.
၄၁. အတော ယောနံ ဋာဋေ.
၄၂. နိနံ ဝါ.
၄၃. သ္မာသ္မိန္နံ.
၄၄. သဿာ-ယ စတုတ္ထိယာ.
၄၅. ဃပတေ-ကသ္မိံ နာဒီနံ ယယာ.
၄၆. ဿာ ဝါ တေ-တိ-မာမူဟိ.
၄၇. နမှိ နုက ဒွါဒီနံ သတ္တရသန္နံ.
၄၈. ဗဟုကတိန္နံ.
၄၉. ဏ္ဏံဏ္ဏန္နံ တိတော ဈာ.
၅၀. ဥဘိန္နံ.
၅၁. သုဥ သဿ.
၅၂. ဿံဿာဿာယေသွိတရေကညေတိမာနမိ.
၅၃. တာယ ဝါ.
၅၄. တေတိမာတော သဿ ဿာယ.
၅၅. ရတ္တျာဒီဟိ ဋော သ္မိနော.
၅၆. သုဟိသု-ဘဿော.
၅၇. လ္တုပိတာဒီန မာ သိမှိ.
၅၈. ဂေ အ စ.
၅၉. အယူနံ ဝါ ဒီဃော.
၆၀. ဃ ဗြဟ္မာဒိတေ.
၆၁. နာ-မ္မာဒီဟိ.
၆၂. ရဿော ဝါ.
၆၃. ဃော ဿံဿာဿာယံတိံသု.
၆၄. ဧကဝစနယောသွဃောနံ.
၆၅. ဂေ ဝါ.
၆၆. သိသ္မိံနာ-နပုံသကဿ.
၆၇. ဂေါဿာဂသိဟိနံသု ဂါဝဂဝါ.
၆၈. သုမှိ ဝါ.
၆၉. ဂဝံ သေန.
၇၀. ဂုန္နံ စ နံနာ.
၇၁. နာဿာ.
၇၂. ဂါဝုမှိ.
၇၃. ယံ ပီတော.
၇၄. နံဈီတော.
၇၅. ယောနံ နောနေ ပုမေ.
၇၆. နော.
၇၇. သ္မိံနော နိ.
၇၈. အမ္ဗွာဒီဟိ.
၇၉. ကမ္မာဒိတော.
၈၀. နာဿေ-နော.
၈၁. ဈလာ သဿ နော.
၃. ဣတော ကွစိ သဿ ဋာနုဗန္ဓော (ဂဏ).
၈၂. နာ သ္မာဿ.