၂. ဓမ္မာနုပဿီသုတ္တံ

၁၁၈. ‘‘ဆ၊ ဘိက္ခဝေ၊ ဓမ္မေ အပ္ပဟာယ အဘဗ္ဗော အဇ္ဈတ္တံ ကာယေ။ပေ။ ဗဟိဒ္ဓါ ကာယေ။ပေ။ အဇ္ဈတ္တဗဟိဒ္ဓါ ကာယေ။ပေ။ အဇ္ဈတ္တံ ဝေဒနာသု။ပေ။ ဗဟိဒ္ဓါ ဝေဒနာသု။ပေ။ အဇ္ဈတ္တဗဟိဒ္ဓါ ဝေဒနာသု။ပေ။ အဇ္ဈတ္တံ စိတ္တေ။ပေ။ ဗဟိဒ္ဓါ စိတ္တေ။ပေ။ အဇ္ဈတ္တဗဟိဒ္ဓါ စိတ္တေ။ပေ။ အဇ္ဈတ္တံ ဓမ္မေသု။ပေ။ ဗဟိဒ္ဓါ ဓမ္မေသု။ပေ။ အဇ္ဈတ္တဗဟိဒ္ဓါ ဓမ္မေသု ဓမ္မာနုပဿီ ဝိဟရိတုံ. ကတမေ ဆ? ကမ္မာရာမတံ၊ ဘဿာရာမတံ၊ နိဒ္ဒါရာမတံ၊ သင်္ဂဏိကာရာမတံ၊ ဣန္ဒြိယေသု အဂုတ္တဒွါရတံ၊ ဘောဇနေ အမတ္တညုတံ. ဣမေ ခေါ၊ ဘိက္ခဝေ၊ ဆ ဓမ္မေ ပဟာယ ဘဗ္ဗော အဇ္ဈတ္တဗဟိဒ္ဓါ ဓမ္မေသု ဓမ္မာနုပဿီ ဝိဟရိတု’’န္တိ. ဒုတိယံ.