၇. အရတိသုတ္တံ

၁၁၃. ‘‘တယောမေ၊ ဘိက္ခဝေ၊ ဓမ္မာ. ကတမေ တယော? အရတိ၊ ဝိဟိံသာ [ဝိဟေသာ (က.)]၊ အဓမ္မစရိယာ. ဣမေ ခေါ၊ ဘိက္ခဝေ၊ တယော ဓမ္မာ. ဣမေသံ ခေါ၊ ဘိက္ခဝေ၊ တိဏ္ဏံ ဓမ္မာနံ ပဟာနာယ တယော ဓမ္မာ ဘာဝေတဗ္ဗာ. ကတမေ တယော? အရတိယာ ပဟာနာယ မုဒိတာ ဘာဝေတဗ္ဗာ၊ ဝိဟိံသာယ ပဟာနာယ အဝိဟိံသာ ဘာဝေတဗ္ဗာ၊ အဓမ္မစရိယာယ ပဟာနာယ ဓမ္မစရိယာ ဘာဝေတဗ္ဗာ. ဣမေသံ ခေါ၊ ဘိက္ခဝေ၊ တိဏ္ဏံ ဓမ္မာနံ ပဟာနာယ ဣမေ တယော ဓမ္မာ ဘာဝေတဗ္ဗာ’’တိ. သတ္တမံ.