၈. သန္တုဋ္ဌိတာသုတ္တံ

၁၁၄. ‘‘တယောမေ၊ ဘိက္ခဝေ၊ ဓမ္မာ. ကတမေ တယော? အသန္တုဋ္ဌိတာ၊ အသမ္ပဇညံ၊ မဟိစ္ဆတာ. ဣမေ ခေါ၊ ဘိက္ခဝေ၊ တယော ဓမ္မာ. ဣမေသံ ခေါ၊ ဘိက္ခဝေ၊ တိဏ္ဏံ ဓမ္မာနံ ပဟာနာယ တယော ဓမ္မာ ဘာဝေတဗ္ဗာ. ကတမေ တယော? အသန္တုဋ္ဌိတာယ ပဟာနာယ သန္တုဋ္ဌိတာ ဘာဝေတဗ္ဗာ၊ အသမ္ပဇညဿ ပဟာနာယ သမ္ပဇညံ ဘာဝေတဗ္ဗံ၊ မဟိစ္ဆတာယ ပဟာနာယ အပ္ပိစ္ဆတာ ဘာဝေတဗ္ဗာ. ဣမေသံ ခေါ၊ ဘိက္ခဝေ၊ တိဏ္ဏံ ဓမ္မာနံ ပဟာနာယ ဣမေ တယော ဓမ္မာ ဘာဝေတဗ္ဗာ’’တိ. အဋ္ဌမံ.