၉. အတမ္မယသုတ္တံ

၁၀၄. ‘‘ဆ၊ ဘိက္ခဝေ၊ အာနိသံသေ သမ္ပဿမာနေန အလမေဝ ဘိက္ခုနာ သဗ္ဗဓမ္မေသု အနောဓိံ ကရိတွာ အနတ္တသညံ ဥပဋ္ဌာပေတုံ. ကတမေ ဆ? သဗ္ဗလောကေ စ အတမ္မယော ဘဝိဿာမိ၊ အဟင်္ကာရာ စ မေ ဥပရုဇ္ဈိဿန္တိ၊ မမင်္ကာရာ စ မေ ဥပရုဇ္ဈိဿန္တိ၊ အသာဓာရဏေန စ ဉာဏေန သမန္နာဂတော ဘဝိဿာမိ၊ ဟေတု စ မေ သုဒိဋ္ဌော ဘဝိဿတိ၊ ဟေတုသမုပ္ပန္နာ စ ဓမ္မာ. ဣမေ ခေါ၊ ဘိက္ခဝေ၊ ဆ အာနိသံသေ သမ္ပဿမာနေန အလမေဝ ဘိက္ခုနာ သဗ္ဗဓမ္မေသု အနောဓိံ ကရိတွာ အနတ္တသညံ ဥပဋ္ဌာပေတု’’န္တိ. နဝမံ.