၆. အာဟုနေယျသုတ္တံ

၁၆. ‘‘ဒသယိမေ၊ ဘိက္ခဝေ၊ ပုဂ္ဂလာ အာဟုနေယျာ ပါဟုနေယျာ ဒက္ခိဏေယျာ အဉ္ဇလိကရဏီယာ အနုတ္တရံ ပုညက္ခေတ္တံ လောကဿ. ကတမေ ဒသ? တထာဂတော အရဟံ သမ္မာသမ္ဗုဒ္ဓေါ၊ ပစ္စေကဗုဒ္ဓေါ၊ ဥဘတောဘာဂဝိမုတ္တော၊ ပညာဝိမုတ္တော၊ ကာယသက္ခီ၊ ဒိဋ္ဌိပ္ပတ္တော၊ သဒ္ဓါဝိမုတ္တော၊ သဒ္ဓါနုသာရီ၊ ဓမ္မာနုသာရီ၊ ဂေါတြဘူ – ဣမေ ခေါ၊ ဘိက္ခဝေ၊ ဒသ ပုဂ္ဂလာ အာဟုနေယျာ။ပေ။ အနုတ္တရံ ပုညက္ခေတ္တံ လောကဿာ’’တိ. ဆဋ္ဌံ.