၃. တတိယဝဂ္ဂေါ

၂၀၉. ‘‘ဧတဒဂ္ဂံ၊ ဘိက္ခဝေ၊ မမ သာဝကာနံ ဘိက္ခူနံ သိက္ခာကာမာနံ ယဒိဒံ ရာဟုလော’’.

၂၁၀. ။ သဒ္ဓါပဗ္ဗဇိတာနံ ယဒိဒံ ရဋ္ဌပါလော.

၂၁၁. ။ ပဌမံ သလာကံ ဂဏှန္တာနံ ယဒိဒံ ကုဏ္ဍဓာနော.

၂၁၂. ။ ပဋိဘာနဝန္တာနံ ယဒိဒံ ဝင်္ဂီသော.

၂၁၃. ။ သမန္တပါသာဒိကာနံ ယဒိဒံ ဥပသေနော ဝင်္ဂန္တပုတ္တော.

၂၁၄. ။ သေနာသနပညာပကာနံ ယဒိဒံ ဒဗ္ဗော မလ္လပုတ္တော.

၂၁၅. ။ ဒေဝတာနံ ပိယမနာပါနံ ယဒိဒံ ပိလိန္ဒဝစ္ဆော.

၂၁၆. ။ ခိပ္ပါဘိညာနံ ယဒိဒံ ဗာဟိယော ဒါရုစီရိယော.

၂၁၇. ။ စိတ္တကထိကာနံ ယဒိဒံ ကုမာရကဿပေါ.

၂၁၈. ။ ပဋိသမ္ဘိဒါပတ္တာနံ ယဒိဒံ မဟာကောဋ္ဌိတောတိ [မဟာကောဋ္ဌိကောတိ (အညေသု သုတ္တေသု မရမ္မပေါတ္ထကေ)].

ဝဂ္ဂေါ တတိယော.