၁. ပဌမဝဂ္ဂေါ

၁၈၈. ‘‘ဧတဒဂ္ဂံ၊ ဘိက္ခဝေ၊ မမ သာဝကာနံ ဘိက္ခူနံ ရတ္တညူနံ ယဒိဒံ အညာသိကောဏ္ဍညော’’ [အညာတကောဏ္ဍညောတိ (က.)၊ အညာကောဏ္ဍညော (သီ. သျာ. ကံ. ပီ.)].

၁၈၉. ။ မဟာပညာနံ ယဒိဒံ သာရိပုတ္တော.

၁၉၀. ။ ဣဒ္ဓိမန္တာနံ ယဒိဒံ မဟာမောဂ္ဂလ္လာနော.

၁၉၁. ။ ဓုတဝါဒါနံ [ဓုတင်္ဂဓရာနံ (ကတ္ထစိ)] ယဒိဒံ မဟာကဿပေါ.

၁၉၂. ။ ဒိဗ္ဗစက္ခုကာနံ ယဒိဒံ အနုရုဒ္ဓေါ.

၁၉၃. ။ ဥစ္စာကုလိကာနံ ယဒိဒံ ဘဒ္ဒိယော ကာဠိဂေါဓာယပုတ္တော.

၁၉၄. ။ မဉ္ဇုဿရာနံ ယဒိဒံ လကုဏ္ဍက [လကုဏ္ဋက (သျာ. ကံ.)] ဘဒ္ဒိယော.

၁၉၅. ။ သီဟနာဒိကာနံ ယဒိဒံ ပိဏ္ဍောလဘာရဒွါဇော.

၁၉၆. ။ ဓမ္မကထိကာနံ ယဒိဒံ ပုဏ္ဏော မန္တာဏိပုတ္တော.

၁၉၇. ။ သံခိတ္တေန ဘာသိတဿ ဝိတ္ထာရေန အတ္ထံ ဝိဘဇန္တာနံ ယဒိဒံ မဟာကစ္စာနောတိ.

ဝဂ္ဂေါ ပဌမော.