ഉപോസഥാദിപുച്ഛാവിസ്സജ്ജനാ

ആദിമജ്ഝന്തപുച്ഛനം

൩൩൨. ഉപോസഥകമ്മസ്സ കോ ആദി, കിം മജ്ഝേ, കിം പരിയോസാനം? പവാരണാകമ്മസ്സ കോ ആദി, കിം മജ്ഝേ, കിം പരിയോസാനം? തജ്ജനീയകമ്മസ്സ കോ ആദി, കിം മജ്ഝേ, കിം പരിയോസാനം? നിയസ്സകമ്മസ്സ…പേ… പബ്ബാജനീയകമ്മസ്സ…പേ… പടിസാരണീയകമ്മസ്സ…പേ… ഉക്ഖേപനീയകമ്മസ്സ…പേ… പരിവാസദാനസ്സ…പേ… മൂലായപടികസ്സനായ…പേ… മാനത്തദാനസ്സ…പേ… അബ്ഭാനസ്സ…പേ… ഉപസമ്പദാകമ്മസ്സ കോ ആദി, കിം മജ്ഝേ, കിം പരിയോസാനം? തജ്ജനീയകമ്മസ്സ പടിപ്പസ്സദ്ധിയാ കോ ആദി, കിം മജ്ഝേ, കിം പരിയോസാനം? നിയസ്സകമ്മസ്സ പടിപ്പസ്സദ്ധിയാ കോ ആദി, കിം മജ്ഝേ, കിം പരിയോസാനം? പബ്ബാജനീയകമ്മസ്സ പടിപ്പസ്സദ്ധിയാ കോ ആദി, കിം മജ്ഝേ, കിം പരിയോസാനം? പടിസാരണീയകമ്മസ്സ പടിപ്പസ്സദ്ധിയാ കോ ആദി, കിം മജ്ഝേ, കിം പരിയോസാനം? ഉക്ഖേപനീയകമ്മസ്സ പടിപ്പസ്സദ്ധിയാ കോ ആദി, കിം മജ്ഝേ, കിം പരിയോസാനം? സതിവിനയസ്സ കോ ആദി, കിം മജ്ജേ, കിം പരിയോസാനം? അമൂള്ഹവിനയസ്സ കോ ആദി, കിം മജ്ഝേ, കിം പരിയോസാനം? തസ്സപാപിയസികായ കോ ആദി, കിം മജ്ഝേ, കിം പരിയോസാനം? തിണവത്ഥാരകസ്സ കോ ആദി, കിം മജ്ഝേ, കിം പരിയോസാനം? ഭിക്ഖുനോവാദകസമ്മുതിയാ കോ ആദി, കിം മജ്ഝേ, കിം പരിയോസാനം? തിചീവരേന അവിപ്പവാസസമ്മുതിയാ കോ ആദി, കിം മജ്ഝേ, കിം പരിയോസാനം? സന്ഥതസമ്മുതിയാ കോ ആദി, കിം മജ്ഝേ, കിം പരിയോസാനം? രൂപിയഛഡ്ഡകസമ്മുതിയാ കോ ആദി, കിം മജ്ഝേ, കിം പരിയോസാനം? സാടിയഗ്ഗാഹാപകസമ്മുതിയോ കോ ആദി, കിം മജ്ഝേ, കിം പരിയോസാനം? പത്തഗ്ഗാഹാപകസമ്മുതിയാ കോ ആദി, കിം മജ്ഝേ, കിം പരിയോസാനം? ദണ്ഡസമ്മുതിയാ കോ ആദി, കിം മജ്ഝേ, കിം പരിയോസാനം? സിക്കാസമ്മുതിയാ കോ ആദി, കിം മജ്ഝേ, കിം പരിയോസാനം? ദണ്ഡസിക്കാസമ്മുതിയാ കോ ആദി, കിം മജ്ഝേ, കിം പരിയോസാനം?

ആദിമജ്ഝന്തവിസ്സജ്ജനാ

൩൩൩. ഉപോസഥകമ്മസ്സ കോ ആദി, കിം മജ്ഝേ, കിം പരിയോസാനന്തി? ഉപോസഥകമ്മസ്സ സാമഗ്ഗീ ആദി, കിരിയാ മജ്ഝേ, നിട്ഠാനം പരിയോസാനം.

പവാരണാകമ്മസ്സ കോ ആദി, കിം മജ്ഝേ, കിം പരിയോസാനന്തി? പവാരണാകമ്മസ്സ സാമഗ്ഗീ ആദി, കിരിയാ മജ്ഝേ, നിട്ഠാനം പരിയോസാനം.

തജ്ജനീയകമ്മസ്സ കോ ആദി, കിം മജ്ഝേ, കിം പരിയോസാനന്തി? തജ്ജനീയകമ്മസ്സ വത്ഥു ച പുഗ്ഗലോ ച ആദി, ഞത്തി മജ്ഝേ, കമ്മവാചാ പരിയോസാനം.

നിയസ്സകമ്മസ്സ…പേ… പബ്ബാജനീയകമ്മസ്സ…പേ… പടിസാരണീയകമ്മസ്സ…പേ… ഉക്ഖേപനീയകമ്മസ്സ…പേ… പരിവാസദാനസ്സ…പേ… മൂലായപടികസ്സനായ…പേ… മാനത്തദാനസ്സ…പേ… അബ്ഭാനസ്സ കോ ആദി, കിം മജ്ഝേ, കിം പരിയോസാനന്തി? അബ്ഭാനസ്സ വത്ഥു ച പുഗ്ഗലോ ച ആദി, ഞത്തി മജ്ഝേ, കമ്മവാചാ പരിയോസാനം.

ഉപസമ്പദാകമ്മസ്സ കോ ആദി, കിം മജ്ഝേ, കിം പരിയോസാനന്തി? ഉപസമ്പദാകമ്മസ്സ പുഗ്ഗലോ ആദി, ഞത്തി മജ്ഝേ, കമ്മവാചാ പരിയോസാനം.

തജ്ജനീയകമ്മസ്സ പടിപ്പസ്സദ്ധിയാ കോ ആദി, കിം മജ്ഝേ, കിം പരിയോസാനന്തി? തജ്ജനീയകമ്മസ്സ പടിപ്പസ്സദ്ധിയാ സമ്മാവത്തനാ ആദി, ഞത്തി മജ്ഝേ, കമ്മവാചാ പരിയോസാനം.

നിയസ്സകമ്മസ്സ…പേ… പബ്ബാജനീയകമ്മസ്സ…പേ… പടിസാരണീയകമ്മസ്സ…പേ… ഉക്ഖേപനീയകമ്മസ്സ പടിപ്പസ്സദ്ധിയാ കോ ആദി, കിം മജ്ഝേ, കിം പരിയോസാനന്തി? ഉക്ഖേപനീയകമ്മസ്സ പടിപ്പസ്സദ്ധിയാ സമ്മാവത്തനാ ആദി, ഞത്തി മജ്ഝേ, കമ്മവാചാ പരിയോസാനം.

സതിവിനയസ്സ കോ ആദി, കിം മജ്ഝേ, കിം പരിയോസാനന്തി? സതിവിനയസ്സ വത്ഥു ച പുഗ്ഗലോ ച ആദി, ഞത്തി മജ്ഝേ, കമ്മവാചാ പരിയോസാനം.

അമൂള്ഹവിനയസ്സ …പേ… തസ്സപാപിയസികായ…പേ… തിണവത്ഥാരകസ്സ…പേ… ഭിക്ഖുനോവാദകസമ്മുതിയാ…പേ… തിചീവരേന അവിപ്പവാസസമ്മുതിയാ…പേ… സന്ഥതസമ്മുതിയാ…പേ… രൂപിയഛഡ്ഡകസമ്മുതിയാ…പേ… സാടിയഗ്ഗാഹാപകസമ്മുതിയാ…പേ… പത്തഗ്ഗാഹാപകസമ്മുതിയാ…പേ… ദണ്ഡസമ്മുതിയാ…പേ… സിക്കാസമ്മുതിയാ…പേ… ദണ്ഡസിക്കാസമ്മുതിയാ കോ ആദി, കിം മജ്ഝേ, കിം പരിയോസാനന്തി? ദണ്ഡസിക്കാസമ്മുതിയാ വത്ഥു ച പുഗ്ഗലോ ച ആദി, ഞത്തി മജ്ഝേ, കമ്മവാചാ പരിയോസാനം.

ഉപോസഥാദിപുച്ഛാവിസ്സജ്ജനാ നിട്ഠിതാ.