൨൪൭. അപ്പടികമ്മേ ഉക്ഖേപനീയകമ്മകഥാ

൪൧൬. ഇധ പന, ഭിക്ഖവേ, ഭിക്ഖു ആപത്തിം ആപജ്ജിത്വാ ന ഇച്ഛതി ആപത്തിം പടികാതും. തത്ര ചേ ഭിക്ഖൂനം ഏവം ഹോതി – ‘‘അയം ഖോ, ആവുസോ, ഭിക്ഖു ആപത്തിം ആപജ്ജിത്വാ ന ഇച്ഛതി ആപത്തിം പടികാതും. ഹന്ദസ്സ മയം ആപത്തിയാ അപ്പടികമ്മേ ഉക്ഖേപനീയകമ്മം കരോമാ’’തി. തേ തസ്സ ആപത്തിയാ അപ്പടികമ്മേ ഉക്ഖേപനീയകമ്മം കരോന്തി – അധമ്മേന വഗ്ഗാ. സോ തമ്ഹാ ആവാസാ അഞ്ഞം ആവാസം ഗച്ഛതി. തത്ഥപി ഭിക്ഖൂനം ഏവം ഹോതി – ‘‘അയം ഖോ, ആവുസോ, ഭിക്ഖു സങ്ഘേന ആപത്തിയാ അപ്പടികമ്മേ ഉക്ഖേപനീയകമ്മകതോ അധമ്മേന വഗ്ഗേഹി. ഹന്ദസ്സ മയം ആപത്തിയാ അപ്പടികമ്മേ ഉക്ഖേപനീയകമ്മം കരോമാ’’തി. തേ തസ്സ ആപത്തിയാ അപ്പടികമ്മേ ഉക്ഖേപനീയകമ്മം കരോന്തി – അധമ്മേന സമഗ്ഗാ…പേ… ധമ്മേന വഗ്ഗാ… ധമ്മപതിരൂപകേന വഗ്ഗാ… ധമ്മപതിരൂപകേന സമഗ്ഗാ…പേ….

ചക്കം കാതബ്ബം.

അപ്പടികമ്മേ ഉക്ഖേപനീയകമ്മകഥാ നിട്ഠിതാ.