൨൪൩. നിയസ്സകമ്മകഥാ

൪൧൨. ഇധ പന, ഭിക്ഖവേ, ഭിക്ഖു ബാലോ ഹോതി അബ്യത്തോ ആപത്തിബഹുലോ അനപദാനോ, ഗിഹിസംസട്ഠോ വിഹരതി അനനുലോമികേഹി ഗിഹിസംസഗ്ഗേഹി. തത്ര ചേ ഭിക്ഖൂനം ഏവം ഹോതി – ‘‘അയം ഖോ, ആവുസോ, ഭിക്ഖു ബാലോ അബ്യത്തോ ആപത്തിബഹുലോ അനപദാനോ, ഗിഹിസംസട്ഠോ വിഹരതി അനനുലോമികേഹി ഗിഹിസംസഗ്ഗേഹി. ഹന്ദസ്സ മയം നിയസ്സകമ്മം കരോമാ’’തി. തേ തസ്സ നിയസ്സകമ്മം കരോന്തി – അധമ്മേന വഗ്ഗാ. സോ തമ്ഹാ ആവാസാ അഞ്ഞം ആവാസം ഗച്ഛതി. തത്ഥപി ഭിക്ഖൂനം ഏവം ഹോതി – ‘‘അയം ഖോ, ആവുസോ, ഭിക്ഖു സങ്ഘേന നിയസ്സകമ്മകതോ അധമ്മേന വഗ്ഗേഹി. ഹന്ദസ്സ മയം നിയസ്സകമ്മം കരോമാ’’തി. തേ തസ്സ നിയസ്സകമ്മം കരോന്തി – അധമ്മേന സമഗ്ഗാ…പേ… ധമ്മേന വഗ്ഗാ… ധമ്മപതിരൂപകേന വഗ്ഗാ… ധമ്മപതിരൂപകേന സമഗ്ഗാ…പേ….

യഥാ ഹേട്ഠാ, തഥാ ചക്കം കാതബ്ബം.

നിയസ്സകമ്മകഥാ നിട്ഠിതാ.