൫. ചിത്താഗാരവഗ്ഗവണ്ണനാ

൯൭൮. ചിത്താഗാരവഗ്ഗസ്സ പഠമേ കീളനഉപവനന്തി അന്തോനഗരേ ഠിതം സന്ധായ വുത്തം, കീളനുയ്യാനന്തി ബഹിനഗരേ ഠിതം സന്ധായ. പാടേക്കാ ആപത്തിയോതി ഗീവായ പരിവട്ടനപ്പയോഗഗണനായ ആപത്തിയോ, ന ഉമ്മീലനഗണനായ. ‘‘അജ്ഝാരാമേ രാജാഗാരാദീനി കരോന്തി, താനി പസ്സന്തിയാ അനാപത്തീ’’തി വചനതോ ‘‘അന്തോആരാമേ തത്ഥ തത്ഥ ഗന്ത്വാ നച്ചാദീനി പസ്സിതും ലഭതീ’’തിപി സിദ്ധം.

൯൮൨. ദുതിയാദീനി ഉത്താനത്ഥാനേവ.

൧൦൧൫. നവമേ ഹത്ഥിആദീസു സിപ്പ-സദ്ദോ പച്ചേകം യോജേതബ്ബോ, തഥാ ആഥബ്ബണാദീസു മന്ത-സദ്ദോ. തത്ഥ ആഥബ്ബണമന്തോ നാമ ആഥബ്ബണവേദവിഹിതോ പരൂപഘാതകരോ മന്തോ, ഖീലനമന്തോ നാമ ദാരുസാരഖീലം മന്തേത്വാ പഥവിയം പവേസേത്വാ മാരണമന്തോ, അഗദപ്പയോഗോ വിസയോജനം. നാഗമണ്ഡലന്തി സപ്പാനം പവേസനിവാരണത്ഥം മണ്ഡലബദ്ധമന്തോ.

൧൦൧൮. ദസമം ഉത്താനത്ഥമേവ.

ചിത്താഗാരവഗ്ഗവണ്ണനാ നിട്ഠിതാ.

൧൦൨൧. ആരാമവഗ്ഗേ സബ്ബം ഉത്താനത്ഥമേവ.

൧൦൬൭. ഗബ്ഭിനിവഗ്ഗേപി സബ്ബം സുവിഞ്ഞേയ്യമേവ.