൬. സൂരിയപേയ്യാലവഗ്ഗവണ്ണനാ

൪൯-൬൨. യഥാ അരുണുഗ്ഗം സൂരിയുഗ്ഗമനസ്സ ഏകന്തികം പുബ്ബനിമിത്തം, ഏവം കല്യാണമിത്തതാ അരിയമഗ്ഗപാതുഭാവസ്സാതി സദിസൂപമാ അരുണുഗ്ഗം കല്യാണമിത്തതായ. കല്യാണമിത്തോതി ചേത്ഥ അരിയോ, അരിയമഗ്ഗോ വാ ദട്ഠബ്ബോ സൂരിയപാതുഭാവോ വിയ തേന വിധൂപനീയന്ധകാരവിധമനതോ. കുസലകത്തുകമ്യതാഛന്ദോ ഛന്ദസമ്പദാ ഇതരഛന്ദതോ സമ്പന്നത്താ. കാരാപകഅപ്പമാദസ്സാതി സച്ചപടിവേധസ്സ കാരാപകസ്സ. ഏവം സബ്ബത്ഥേവ സമ്പദാസദ്ദാ വിസേസാധിഗമഹേതുതായ വേദിതബ്ബാ. അഞ്ഞേനപി ആകാരേനാതി ‘‘വിവേകനിസ്സിത’’ന്തിആദിആകാരതോ അഞ്ഞേന ‘‘രാഗവിനയപരിയോസാന’’ന്തിആദിനാ ആകാരേന.

സൂരിയപേയ്യാലവഗ്ഗവണ്ണനാ നിട്ഠിതാ.