൫. സബ്ബഅനിച്ചവഗ്ഗവണ്ണനാ

൪൩-൫൨. ഞാതപരിഞ്ഞാ ആഗതാ വിസയവസേന തബ്ബിസയസ്സ ധമ്മസ്സ ജോതിതത്താ. ഇതരാ ദ്വേ തീരണപഹാനപരിഞ്ഞാപി ആഗതാ ഏവാതി വേദിതബ്ബാ, താസം അഭിഞ്ഞേയ്യധമ്മവിസയത്താ ഞാണസ്സ ച തീരണപഹാനപരിഞ്ഞാസമ്ഭവതോ. പരിഞ്ഞേയ്യപദേ തീരണപരിഞ്ഞാവ ആഗതാ, പഹാതബ്ബപദേ പഹാനപരിഞ്ഞാവ ആഗതാതി യോജനാ. ഇതരാപി ദ്വേ ഗഹിതായേവ താഹി വിനാ അത്ഥസിദ്ധിയാ അഭാവതോ. പച്ചക്ഖം കാതബ്ബം ആരമ്മണതോ അസമ്മോഹതോ പടിവിജ്ഝനേന. അവുത്താപി ഗഹിതായേവ പരിജാനനസ്സ യാവദേവ പഹാനത്ഥത്താ. ഏകസഭാവേന വിനാഭാവോ അനേകഗ്ഗട്ഠോ. ഉപസട്ഠരോഗേന വിയ അന്തോ ഏവ അഭിഹതസബ്ബതാ ഉപഹതട്ഠോ.

സബ്ബഅനിച്ചവഗ്ഗവണ്ണനാ നിട്ഠിതാ.

പഠമോ പണ്ണാസകോ.