൧. വാതസുത്തവണ്ണനാ

൨൦൬. ന ഏതേ വാതാതി യേ ഇമേ രുക്ഖസാഖാദിഭഞ്ജനകരാ, ഏതേ സത്തകായത്താ വാതാ നാമ ന ഹോന്തി. തേ ഹി നിച്ചാ ധുവാ സസ്സതാ. തേനാഹ ‘‘വാതോ പനാ’’തിആദി. തേന സത്തസു കായേസു ചതുത്ഥം കായമാഹ. രുക്ഖസാഖാദിഭഞ്ജനകോ ഏസോ വാതലേസോ നാമ, വാതസദിസോതി അത്ഥോ. ഏസികത്ഥമ്ഭോ വിയാതി ഇമിനാ നിച്ചലഭാവമേവ ദസ്സേതി, പബ്ബതകൂടം വിയാതി ഇമിനാ പന സസ്സതിസമംവാപി. അയഞ്ഹി വായു കായസ്സ നിച്ചതം അഭിനിവിസ്സ ഠിതോ ‘‘മാ ച അനിച്ചതാ പരോ ഹോതൂ’’തി ന വാതാ വായന്തീതി ബാധതി. ഏസ നയോ നദിയോ സന്ദന്തീതിആദീസു. ഉദകം പനാതി ദുതിയം കായം സന്ധായാഹ. ഗബ്ഭോ പന ന നിക്ഖമതി കൂടട്ഠാദിഭാവേനേവ തസ്സ ലബ്ഭനതോ. നേവ തേ ഉദേന്തി യഥാ വാതാ, ഏവം തിട്ഠനതോ ലോകസ്സ പന തഥാ മതിമത്തന്തി അധിപ്പായോ.

വാതസുത്തവണ്ണനാ നിട്ഠിതാ.