൬. ലകുണ്ഡകഭദ്ദിയസുത്തവണ്ണനാ

൨൪൦. വിരൂപസരീരവണ്ണന്തി അസുന്ദരഛവിവണ്ണഞ്ചേവ അസുന്ദരസണ്ഠാനഞ്ച. പമാണവസേനാതി സരീരപ്പമാണവസേന. ഇച്ഛിതിച്ഛിതന്തി അത്തനാ ഇച്ഛിതിച്ഛിതം. മഹാസാരജ്ജന്തി മഹന്തോ മങ്കുഭാവോ.

ഗുണേ ആവജ്ജേത്വാതി അത്തനാ ജാനനകനിയാമേന സത്ഥുനോ കായഗുണേ ച ചാരിത്തഗുണേ ച ആവജ്ജേത്വാ മനസി കത്വാ.

യോജനാവട്ടന്തി യോജനപരിക്ഖേപം.

‘‘കായസ്മീ’’തി ഗാഥാസുഖത്ഥം നിരനുനാസികം കത്വാ നിദ്ദേസോതി വുത്തം ‘‘കായസ്മി’’ന്തി. അകാരണം കായപ്പമാണന്തി സരീരപ്പമാണം നാമ അപ്പമാണം, സീലാദിഗുണാവ പമാണന്തി അധിപ്പായോ.

ലകുണ്ഡകഭദ്ദിയസുത്തവണ്ണനാ നിട്ഠിതാ.