൨൪. അഞ്ജനീനിദ്ദേസവണ്ണനാ

൧൮൨. വട്ടാ വാ അട്ഠസോളസംസാ വാ മട്ഠാ പുപ്ഫലതാദീഹി അചിത്തകാ അഞ്ജനീ വട്ടതീതി അത്ഥോ. തിസ്സോപി വട്ടന്തി, ഏകായ വാ ദ്വീസു വാ കഥാ ഏവ നത്ഥീതി അധിപ്പായോ. ലേഖാതി വട്ടലേഖാ. ബന്ധിതുന്തി പിധാനകബന്ധനത്ഥം.

൧൮൩. രൂപന്തി സകുണരൂപാദി. യദി ച ഏദിസം അഞ്ഞേഹി കതം ലഭതി, ഘംസിത്വാ വാ ഛിന്ദിത്വാ വാ യഥാ വാ ന പഞ്ഞായതി, തഥാ സുത്തേന വേഠേത്വാ വളഞ്ജേതബ്ബം.

൧൮൪. ഥവികാതി അഞ്ജനിഥവികാ. അഞ്ജനിസലാകാപി ലബ്ഭതീതി സമ്ബന്ധോ.

൧൮൫-൬. അട്ഠീതി (മഹാവ. ൨൬൬; മഹാവ. അട്ഠ. ൨൬൪) മനുസ്സട്ഠിം ഠപേത്വാ അവസേസട്ഠി. വിസാണദന്തേസു അകപ്പിയം നാമ നത്ഥി. ആമലകകക്കാദീഹി കതാ ഫലമയാ. തമ്മയാതി ഇധ വുത്തേഹേവ നിബ്ബത്താ. അഞ്ജനീവിനിച്ഛയോ.

അഞ്ജനീനിദ്ദേസവണ്ണനാ നിട്ഠിതാ.