൧൭. ആപുച്ഛകരണനിദ്ദേസവണ്ണനാ

൧൬൧. ഥേരേനാതി സങ്ഘത്ഥേരേന.

൧൬൨. തത്ഥ തത്ഥ സന്നിപതിതാനം സബ്ബേസം വുഡ്ഢോ വുഡ്ഢതരോ, തസ്മിം വുഡ്ഢതരാഗമേ പുന ആപുച്ഛനം നത്ഥി. ഭത്തഗ്ഗേ ചാനുമോദതോതി ഏത്ഥ ദാനപതിനാ യാചിതേന ദഹരേന വുഡ്ഢേന അനാപുച്ഛിത്വാ കഥേതും വട്ടതീതി വദന്തി.

൧൬൩. ഏകവിഹാരകേതി ഏകോവരകേ വുഡ്ഢേന വസന്തോ അനാപുച്ഛാ ന സജ്ഝായേയ്യാതി അത്ഥോ. ഉദ്ദേസം പരിപുച്ഛഞ്ച നോ ദദേതി ഉദ്ദേസം വാ പരിപുച്ഛം വാ നോ ദദേയ്യ.

൧൬൪. ന വിവരേയ്യ ന ഥകേയ്യ ചാതി സമ്ബന്ധോ. ദ്വാരം നാമ മഹാവളഞ്ജം, തത്ഥ ആപുച്ഛനകിച്ചം നത്ഥി.

൧൬൫. വുഡ്ഢേന ചങ്കമേ ചങ്കമന്തോപി യേന വുഡ്ഢോ, തേന പരിവത്തയേതി സമ്ബന്ധോ. ആപുച്ഛകരണവിനിച്ഛയോ.

ആപുച്ഛകരണനിദ്ദേസവണ്ണനാ നിട്ഠിതാ.