൨൨. ഉപാഹനനിദ്ദേസോ

ഉപാഹനാ ചേവാതി –

൧൭൫. മജ്ഝദേസേ ന കപ്പന്തി, ഗണങ്ഗണൂപാഹനാ നവാ;

സബ്ബസ്സ കപ്പന്താരാമേ, സബ്ബത്ഥാകല്ലകസ്സ ച.

൧൭൬. സബ്ബനീലകഓദാതപീതലോഹിതകണ്ഹകാ;

മഹാരങ്ഗമഹാനാമ-രങ്ഗരത്താ ചുപാഹനാ.

൧൭൭. സബ്ബമഞ്ജേട്ഠികാ ചിത്രാ, നീലപീതാദിവദ്ധികാ;

തിത്തിരപത്തികാ മേണ്ഡ-അജവിസാണവദ്ധികാ.

൧൭൮. ഖല്ലബദ്ധാ പുടബദ്ധാ, തൂലപുണ്ണാ ചുപാഹനാ;

പാലിഗുണ്ഠിമകാ മോര-പിഞ്ഛേന പരിസിബ്ബിതാ.

൧൭൯. വിച്ഛികാളികതാ സീഹബ്യഗ്ഘുദ്ദാജിനദീപിനം;

മജ്ജാരകാളകോലൂകചമ്മേഹി ച പരിക്ഖടാ;

പാദുകാ സങ്കമനീയാ, കോചി ധാരേയ്യ ദുക്കടം.

൧൮൦. നീലാദിവണ്ണം സകലം, പുഞ്ഛിത്വാ വേകദേസകം;

ഉപാഹനാ വളഞ്ജേയ്യ, ഹാരേത്വാ ഖല്ലകാദികന്തി.