൧-൮. വാഹനസുത്താദിവണ്ണനാ

൮൧-൮൮. ചതുത്ഥസ്സ പഠമേ വിമരിയാദീകതേനാതി നിമ്മരിയാദീകതേന. ചേതസാതി ഏവംവിധേന ചിത്തേന വിഹരതി. തത്ഥ ദ്വേ മരിയാദാ കിലേസമരിയാദാ ച ആരമ്മണമരിയാദാ ച. സചേ ഹിസ്സ രൂപാദികേ ആരബ്ഭ രാഗാദയോ ഉപ്പജ്ജേയ്യും, കിലേസമരിയാദാ തേന കതാ ഭവേയ്യ. തേസു പനസ്സ ഏകോപി ന ഉപ്പന്നോതി കിലേസമരിയാദാ നത്ഥി. സചേ പനസ്സ രൂപാദിധമ്മേ ആവജ്ജേന്തസ്സ ഏകച്ചേ ആപാഥം നാഗച്ഛേയ്യും, ഏവമസ്സ ആരമ്മണമരിയാദാ ഭവേയ്യ. തേ പനസ്സ ധമ്മേ ആവജ്ജേന്തസ്സ ആപാഥം അനാഗതധമ്മോ നാമ നത്ഥീതി ആരമ്മണമരിയാദാപി നത്ഥി. ഇധ പന കിലേസമരിയാദാ അധിപ്പേതാതി ആഹ ‘‘കിലേസമരിയാദം ഭിന്ദിത്വാ’’തിആദി. തതിയാദീസു നത്ഥി വത്തബ്ബം.

വാഹനസുത്താദിവണ്ണനാ നിട്ഠിതാ.