൫൫. വിഞ്ഞാണഅപ്പച്ചക്ഖകമ്മസുത്തം

൬൬൧. സാവത്ഥിനിദാനം. ‘‘വിഞ്ഞാണേ ഖോ, വച്ഛ, അപ്പച്ചക്ഖകമ്മാ, വിഞ്ഞാണസമുദയേ അപ്പച്ചക്ഖകമ്മാ, വിഞ്ഞാണനിരോധേ അപ്പച്ചക്ഖകമ്മാ, വിഞ്ഞാണനിരോധഗാമിനിയാ പടിപദായ അപ്പച്ചക്ഖകമ്മാ; ഏവമിമാനി അനേകവിഹിതാനി ദിട്ഠിഗതാനി ലോകേ ഉപ്പജ്ജന്തി – സസ്സതോ ലോകോതി വാ, അസസ്സതോ ലോകോതി വാ…പേ… നേവ ഹോതി ന ന ഹോതി തഥാഗതോ പരം മരണാതി വാതി. അയം ഖോ, വച്ഛ, ഹേതു, അയം പച്ചയോ, യാനിമാനി അനേകവിഹിതാനി ദിട്ഠിഗതാനി ലോകേ ഉപ്പജ്ജന്തി – സസ്സതോ ലോകോതി വാ, അസസ്സതോ ലോകോതി വാ, അന്തവാ ലോകോതി വാ, അനന്തവാ ലോകോതി വാ, തം ജീവം തം സരീരന്തി വാ, അഞ്ഞം ജീവം അഞ്ഞം സരീരന്തി വാ, ഹോതി തഥാഗതോ പരം മരണാതി വാ, ന ഹോതി തഥാഗതോ പരം മരണാതി വാ, ഹോതി ച ന ച ഹോതി തഥാഗതോ പരം മരണാതി വാ, നേവ ഹോതി ന ന ഹോതി തഥാഗതോ പരം മരണാതി വാ’’തി. പഞ്ചപഞ്ഞാസമം.

വച്ഛഗോത്തസംയുത്തം സമത്തം.