൫. ഭഗവതോ ഉപസമ്പദാപഞ്ഹോ

൫. രാജാ ആഹ ‘‘ഭന്തേ നാഗസേന, ഉപസമ്പദാ സുന്ദരാ’’തി? ‘‘ആമ, മഹാരാജ, ഉപസമ്പദാ സുന്ദരാ’’തി. ‘‘അത്ഥി പന, ഭന്തേ, ബുദ്ധസ്സ ഉപസമ്പദാ, ഉദാഹു നത്ഥീ’’തി? ‘‘ഉപസമ്പന്നോ ഖോ, മഹാരാജ, ഭഗവാ ബോധിരുക്ഖമൂലേ സഹ സബ്ബഞ്ഞുതഞാണേന, നത്ഥി ഭഗവതോ ഉപസമ്പദാ അഞ്ഞേഹി ദിന്നാ, യഥാ സാവകാനം, മഹാരാജ, ഭഗവാ സിക്ഖാപദം പഞ്ഞപേതി യാവജീവം അനതിക്കമനീയ’’ന്തി.

‘‘കല്ലോസി, ഭന്തേ നാഗസേനാ’’തി.

ഭഗവതോ ഉപസമ്പദാപഞ്ഹോ പഞ്ചമോ.