൧. ഏകകനിപാതോ
൧. അപണ്ണകവഗ്ഗോ
൧. അപണ്ണകജാതകം
൧. അപണ്ണകം ഠാനമേകേ, ദുതിയം ആഹു തക്കികാ;
ഏതദഞ്ഞായ മേധാവീ, തം ഗണ്ഹേ യദപണ്ണകന്തി [തം ഗണ്ഹേയ്യ അപണ്ണകം (ക.)].
അപണ്ണകജാതകം പഠമം.
൨. വണ്ണുപഥജാതകം
൨. അകിലാസുനോ വണ്ണുപഥേ [വണ്ണപഥേ (ക.)] ഖണന്താ, ഉദങ്ഗണേ തത്ഥ പപം അവിന്ദും;
ഏവം മുനീ വീരിയ [മുനി വിരിയ (പീ.), മുനി വീരിയ (സ്യാ. ക.)] ബലൂപപന്നോ, അകിലാസു വിന്ദേ ഹദയസ്സ സന്തിന്തി.
വണ്ണുപഥജാതകം ദുതിയം.
൩. സേരിവവാണിജജാതകം
൩. ഇധ ചേ നം [ഇധ ചേ ഹി നം (സീ. പീ.)] വിരാധേസി, സദ്ധമ്മസ്സ നിയാമതം [നിയാമകം (സ്യാ. ക.)];
ചിരം ത്വം അനുതപ്പേസി [അനുതപേസ്സസി (സീ. പീ.), അനുതപ്പിസ്സസി (?)], സേരിവായംവ വാണിജോതി.
സേരിവവാണിജജാതകം തതിയം.
൪. ചൂളസേട്ഠിജാതകം
൪. അപ്പകേനപി മേധാവീ, പാഭതേന വിചക്ഖണോ;
സമുട്ഠാപേതി അത്താനം, അണും അഗ്ഗിംവ സന്ധമന്തി.
ചൂള [ചുല്ല (സീ.), ചുല്ലക (സ്യാ. പീ.)] സേട്ഠിജാതകം ചതുത്ഥം.
൫. തണ്ഡുലനാളിജാതകം
൫. [കിമഗ്ഘതീ തണ്ഡുലനാളികാ ച, ബാരാണസീ അന്തരബാഹിരാനി; അസ്സപഞ്ചസതേ താനി, ഏകാ തണ്ഡുലനാളികാതി; (സ്യാ.)] കിമഗ്ഘതി തണ്ഡുലനാളികായ, അസ്സാന മൂലായ വദേഹി രാജ [നാളികാ ച (സീ.), നാളികായ (ക. സീ. അട്ഠ.)];
ബാരാണസിം സന്തരബാഹിരതോ [ബാഹിരന്തം (സീ.)], അയമഗ്ഘതി തണ്ഡുലനാളികാതി [കിമഗ്ഘതീ വണ്ഡുലനാളികാ ച, ബാരാണസീ അന്തരബാഹിരാനി; അസ്സപഞ്ചസതേ താനി, ഏകാ തണ്ഡുലനാളികാതി; (സ്യാ.)].
തണ്ഡുലനാളിജാതകം പഞ്ചമം.
൬. ദേവധമ്മജാതകം
൬. ഹിരിഓത്തപ്പസമ്പന്നാ, സുക്കധമ്മസമാഹിതാ;
സന്തോ സപ്പുരിസാ ലോകേ, ദേവധമ്മാതി വുച്ചരേതി.
ദേവധമ്മജാതകം ഛട്ഠം.
൭. കട്ഠഹാരിജാതകം
൭. പുത്തോ ത്യാഹം മഹാരാജ, ത്വം മം പോസ ജനാധിപ;
അഞ്ഞേപി ദേവോ പോസേതി, കിഞ്ച [കിഞ്ചി (ക.)] ദേവോ സകം പജന്തി.
കട്ഠഹാരി [കട്ഠവാഹന (ക.)] ജാതകം സത്തമം.
൮. ഗാമണിജാതകം
൮. അപി അതരമാനാനം, ഫലാസാവ സമിജ്ഝതി;
വിപക്കബ്രഹ്മചരിയോസ്മി, ഏവം ജാനാഹി ഗാമണീതി.
ഗാമണിജാതകം അട്ഠമം.
൯. മഘദേവജാതകം
൯. ഉത്തമങ്ഗരുഹാ മയ്ഹം, ഇമേ ജാതാ വയോഹരാ;
പാതുഭൂതാ ദേവദൂതാ, പബ്ബജ്ജാസമയോ മമാതി.
മഘദേവ [മഖാദേവ (സീ. പീ.), ദേവദൂത (ക.)] ജാതകം നവമം.
൧൦. സുഖവിഹാരിജാതകം
൧൦. യഞ്ച അഞ്ഞേ ന രക്ഖന്തി, യോ ച അഞ്ഞേ ന രക്ഖതി;
സ വേ രാജ സുഖം സേതി, കാമേസു അനപേക്ഖവാതി.
സുഖവിഹാരിജാതകം ദസമം.
അപണ്ണകവഗ്ഗോ പഠമോ.
തസ്സുദ്ദാനം –
വരാപണ്ണക വണ്ണുപഥ സേരിവരോ, സുവിചക്ഖണ തണ്ഡുലനാളികസ്സാ;
ഹിരി പുത്തവരുത്തഗാമണിനാ, യോ ച ന രക്ഖതി തേന ദസാതി.
൨. സീലവഗ്ഗോ
൧൧. ലക്ഖണമിഗജാതകം
൧൧. ഹോതി സീലവതം അത്ഥോ, പടിസന്ഥാര [പടിസന്ധാര (ക.)] വുത്തിനം;
ലക്ഖണം പസ്സ ആയന്തം, ഞാതിസങ്ഘപുരക്ഖതം [പുരക്ഖിതം (സ്യാ.), പുരേക്ഖിതം (ക.)];
അഥ പസ്സസിമം കാളം, സുവിഹീനംവ ഞാതിഭീതി.
ലക്ഖണമിഗജാതകം പഠമം.
൧൨. നിഗ്രോധമിഗജാതകം
൧൨. നിഗ്രോധമേവ സേവേയ്യ, ന സാഖമുപസംവസേ;
നിഗ്രോധസ്മിം മതം സേയ്യോ, യഞ്ചേ സാഖസ്മി [സാഖസ്മിം (സീ. പീ.)] ജീവിതന്തി.
നിഗ്രോധമിഗജാതകം ദുതിയം.
൧൩. കണ്ഡിജാതകം
൧൩. ധിരത്ഥു കണ്ഡിനം സല്ലം, പുരിസം ഗാള്ഹവേധിനം;
ധിരത്ഥു തം ജനപദം, യത്ഥിത്ഥീ പരിണായികാ;
തേ ചാപി ധിക്കിതാ [ധിക്കതാ (?)] സത്താ, യേ ഇത്ഥീനം വസംഗതാതി.
കണ്ഡിജാതകം തതിയം.
൧൪. വാതമിഗജാതകം
൧൪. ന കിരത്ഥി രസേഹി പാപിയോ, ആവാസേഹി വ [വാ (സബ്ബത്ഥ)] സന്ഥവേഹി വാ;
വാതമിഗം ഗഹനനിസ്സിതം [ഗേഹനിസ്സിതം (സീ. പീ.)], വസമാനേസി രസേഹി സഞ്ജയോതി.
വാതമിഗജാതകം ചതുത്ഥം.
൧൫. ഖരാദിയജാതകം
൧൫. അട്ഠക്ഖുരം ഖരാദിയേ, മിഗം വങ്കാതിവങ്കിനം;
സത്തഹി കാലാതിക്കന്തം [സത്തഹി കലാഹ’തിക്കന്തം (സീ.), സത്തകാലേഹ’തിക്കന്തം (സ്യാ.), സത്തഹി കാലാഹ’തിക്കന്തം (പീ.)], ന നം ഓവദിതുസ്സഹേതി.
ഖരാദിയജാതകം പഞ്ചമം.
൧൬. തിപല്ലത്ഥമിഗജാതകം
൧൬. മിഗം തിപല്ലത്ഥ [തിപല്ലത്ത (ക.)] മനേകമായം, അട്ഠക്ഖുരം അഡ്ഢരത്താപപായിം [അഡ്ഢരത്താവപായിം (സീ. പീ.)];
ഏകേന സോതേന ഛമാസ്സസന്തോ, ഛഹി കലാഹിതിഭോതി [കലാഹതിഭോതി (സീ. സ്യാ. പീ.)] ഭാഗിനേയ്യോതി.
തിപല്ലത്ഥമിഗജാതകം ഛട്ഠം.
൧൭. മാലുതജാതകം
൧൭. കാളേ വാ യദി വാ ജുണ്ഹേ, യദാ വായതി മാലുതോ;
വാതജാനി ഹി സീതാനി, ഉഭോത്ഥമപരാജിതാതി.
മാലുതജാതകം സത്തമം.
൧൮. മതകഭത്തജാതകം
൧൮. ഏവം ചേ സത്താ ജാനേയ്യും, ദുക്ഖായം ജാതിസമ്ഭവോ;
ന പാണോ പാണിനം ഹഞ്ഞേ, പാണഘാതീ ഹി സോചതീതി.
മതകഭത്തജാതകം അട്ഠമം.
൧൯. ആയാചിതഭത്തജാതകം
൧൯. സചേ മുച്ചേ [മുഞ്ചേ (സീ. സ്യാ. പീ.)] പേച്ച മുച്ചേ [മുഞ്ചേ (സീ. സ്യാ. പീ.)], മുച്ചമാനോ ഹി ബജ്ഝതി;
ന ഹേവം ധീരാ മുച്ചന്തി, മുത്തി ബാലസ്സ ബന്ധനന്തി.
ആയാചിതഭത്തജാതകം നവമം.
൨൦. നളപാനജാതകം
൨൦. ദിസ്വാ പദമനുത്തിണ്ണം, ദിസ്വാനോതരിതം പദം;
നളേന വാരിം പിസ്സാമ [പിവിസ്സാമ (സീ. സ്യാ. പീ.)], നേവ [ന ച (ക.)] മം ത്വം വധിസ്സസീതി.
നളപാനജാതകം ദസമം.
സീലവഗ്ഗോ ദുതിയോ.
തസ്സുദ്ദാനം –
അഥ ലക്ഖണ സാഖ ധിരത്ഥു പുന, ന കിരത്ഥി രസേഹി ഖരാദിയാ;
അതിഭോതി വര [രസ (സബ്ബത്ഥ)] മാലുത പാണ, മുച്ചേന നളഅവ്ഹയനേന ഭവന്തി ദസാതി.
൩. കുരുങ്ഗവഗ്ഗോ
൨൧. കുരുങ്ഗമിഗജാതകം
൨൧. ഞാതമേതം കുരുങ്ഗസ്സ, യം ത്വം സേപണ്ണി സിയ്യസി [സേയ്യസി (സീ. സ്യാ. പീ.)];
അഞ്ഞം സേപണ്ണി ഗച്ഛാമി, ന മേ തേ രുച്ചതേ ഫലന്തി.
കുരുങ്ഗമിഗജാതകം പഠമം.
൨൨. കുക്കുരജാതകം
൨൨. യേ കുക്കുരാ രാജകുലമ്ഹി വദ്ധാ, കോലേയ്യകാ വണ്ണബലൂപപന്നാ;
തേമേ ന വജ്ഝാ മയമസ്മ വജ്ഝാ, നായം സഘച്ചാ ദുബ്ബലഘാതികായന്തി.
കുക്കുരജാതകം ദുതിയം.
൨൩. ഗോജാനീയജാതകം
൨൩. അപി പസ്സേന സേമാനോ, സല്ലേഭി സല്ലലീകതോ;
സേയ്യോവ വളവാ ഗോജോ [ഭോജ്ജോ (സീ.), ഭോജ്ഝോ (സ്യാ. പീ.)], യുഞ്ജ മഞ്ഞേവ സാരഥീതി.
ഗോജാനീയ [ഭോജാജാനീയ (സീ. സ്യാ. പീ.)] ജാതകം തതിയം.
൨൪. ആജഞ്ഞജാതകം
൨൪. യദാ യദാ യത്ഥ യദാ, യത്ഥ യത്ഥ യദാ യദാ;
ആജഞ്ഞോ കുരുതേ വേഗം, ഹായന്തി തത്ഥ വാളവാതി.
ആജഞ്ഞജാതകം ചതുത്ഥം.
൨൫. തിത്ഥജാതകം
൨൫. അഞ്ഞമഞ്ഞേഹി തിത്ഥേഹി, അസ്സം പായേഹി സാരഥി;
അച്ചാസനസ്സ പുരിസോ, പായാസസ്സപി തപ്പതീതി.
തിത്ഥജാതകം പഞ്ചമം.
൨൬. മഹിളാമുഖജാതകം
൨൬. പുരാണചോരാന വചോ നിസമ്മ, മഹിളാമുഖോ പോഥയമന്വചാരീ;
സുസഞ്ഞതാനഞ്ഹി വചോ നിസമ്മ, ഗജുത്തമോ സബ്ബഗുണേസു അട്ഠാതി.
മഹിളാമുഖജാതകം ഛട്ഠം.
൨൭. അഭിണ്ഹജാതകം
൨൭. നാലം കബളം പദാതവേ, ന ച പിണ്ഡം ന കുസേ ന ഘംസിതും;
മഞ്ഞാമി അഭിണ്ഹദസ്സനാ, നാഗോ സ്നേഹമകാസി [സിനേഹമകാസി (സീ. സ്യാ. പീ.)] കുക്കുരേതി.
അഭിണ്ഹജാതകം സത്തമം.
൨൮. നന്ദിവിസാലജാതകം
൨൮. മനുഞ്ഞമേവ ഭാസേയ്യ, നാമനുഞ്ഞം കുദാചനം;
മനുഞ്ഞം ഭാസമാനസ്സ, ഗരും ഭാരം ഉദദ്ധരി;
ധനഞ്ച നം അലാഭേസി, തേന ചത്തമനോ അഹൂതി.
നന്ദിവിസാലജാതകം അട്ഠമം.
൨൯. കണ്ഹജാതകം
൨൯. യതോ യതോ ഗരു ധുരം, യതോ ഗമ്ഭീരവത്തനീ;
തദാസ്സു കണ്ഹം യുഞ്ജന്തി, സ്വാസ്സു തം വഹതേ ധുരന്തി.
കണ്ഹജാതകം നവമം.
൩൦. മുനികജാതകം
൩൦. മാ മുനികസ്സ പിഹയി, ആതുരന്നാനി ഭുഞ്ജതി;
അപ്പോസ്സുക്കോ ഭുസം ഖാദ, ഏതം ദീഘായുലക്ഖണന്തി.
മുനികജാതകം ദസമം.
കുരുങ്ഗവഗ്ഗോ തതിയോ.
തസ്സുദ്ദാനം –
കുരുങ്ഗസ്സ കുക്കുരഗോജവരോ, പുന വാളവസ്സസിരിവ്ഹയനോ [സിരിവയനോ (സബ്ബത്ഥ)];
മഹിളാമുഖനാമനുഞ്ഞവരോ, വഹതേ ധുര മുനികേന ദസാതി.
൪. കുലാവകവഗ്ഗോ
൩൧. കുലാവകജാതകം
൩൧. കുലാവകാ മാതലി സിമ്ബലിസ്മിം, ഈസാമുഖേന പരിവജ്ജയസ്സു;
കാമം ചജാമ അസുരേസു പാണം, മാ മേ ദിജാ വിക്കുലവാ [മായിമേ ദിജാ വികുലാവാ (സീ. സ്യാ. പീ.)] അഹേസുന്തി.
കുലാവകജാതകം പഠമം.
൩൨. നച്ചജാതകം
൩൨. രുദം മനുഞ്ഞം രുചിരാ ച പിട്ഠി, വേളുരിയവണ്ണൂപനിഭാ [വണ്ണൂപടിഭാ (സ്യാ.), വണ്ണസന്നിഭാ (ക.)] ച ഗീവാ;
ബ്യാമമത്താനി ച പേഖുണാനി, നച്ചേന തേ ധീതരം നോ ദദാമീതി.
നച്ചജാതകം ദുതിയം.
൩൩. സമ്മോദമാനജാതകം
൩൩. സമ്മോദമാനാ ഗച്ഛന്തി, ജാലമാദായ പക്ഖിനോ;