൮. സളലമണ്ഡപിയത്ഥേരഅപദാനം

൪൪൯. ‘‘നിബ്ബുതേ കകുസന്ധമ്ഹി, ബ്രാഹ്മണമ്ഹി വുസീമതി;

ഗഹേത്വാ സളലം മാലം, മണ്ഡപം കാരയിം അഹം.

൪൫൦. ‘‘താവതിംസഗതോ സന്തോ, ലഭാമി ബ്യമ്ഹമുത്തമം;

അഞ്ഞേ ദേവേതിരോചാമി, പുഞ്ഞകമ്മസ്സിദം ഫലം.

൪൫൧. ‘‘ദിവാ വാ യദി വാ രത്തിം, ചങ്കമന്തോ ഠിതോ ചഹം;

ഛന്നോ സളലപുപ്ഫേഹി, പുഞ്ഞകമ്മസ്സിദം ഫലം.

൪൫൨. ‘‘ഇമസ്മിംയേവ കപ്പമ്ഹി, യം ബുദ്ധമഭിപൂജയിം;

ദുഗ്ഗതിം നാഭിജാനാമി, ബുദ്ധപൂജായിദം ഫലം.

൪൫൩. ‘‘കിലേസാ ഝാപിതാ മയ്ഹം…പേ… വിഹരാമി അനാസവോ.

൪൫൪. ‘‘സ്വാഗതം വത മേ ആസി…പേ… കതം ബുദ്ധസ്സ സാസനം.

൪൫൫. ‘‘പടിസമ്ഭിദാ ചതസ്സോ…പേ… കതം ബുദ്ധസ്സ സാസനം’’.

ഇത്ഥം സുദം ആയസ്മാ സളലമണ്ഡപിയോ ഥേരോ ഇമാ ഗാഥായോ അഭാസിത്ഥാതി.

സളലമണ്ഡപിയത്ഥേരസ്സാപദാനം അട്ഠമം.