൨. ഏകാസനദായകത്ഥേരഅപദാനം

൫. ‘‘വിജഹിത്വാ ദേവവണ്ണം, സഭരിയോ ഇധാഗമിം;

അധികാരം കത്തുകാമോ, ബുദ്ധസേട്ഠസ്സ സാസനേ.

൬. ‘‘ദേവലോ നാമ നാമേന, പദുമുത്തരസാവകോ;

തസ്സ ഭിക്ഖാ മയാ ദിന്നാ, വിപ്പസന്നേന ചേതസാ.

൭. ‘‘സതസഹസ്സിതോ കപ്പേ, യം കമ്മമകരിം തദാ;

ദുഗ്ഗതിം നാഭിജാനാമി, പിണ്ഡപാതസ്സിദം ഫലം.

൮. ‘‘പടിസമ്ഭിദാ ചതസ്സോ…പേ… കതം ബുദ്ധസ്സ സാസനം’’.

ഇത്ഥം സുദം ആയസ്മാ ഏകാസനദായകോ ഥേരോ ഇമാ ഗാഥായോ അഭാസിത്ഥാതി.

ഏകാസനദായകത്ഥേരസ്സാപദാനം ദുതിയം.