൨. സുചിന്തികത്ഥേരഅപദാനവണ്ണനാ

തിസ്സസ്സ ലോകനാഥസ്സാതിആദികം ആയസ്മതോ സുചിന്തികത്ഥേരസ്സ അപദാനം. അയമ്പി പുരിമബുദ്ധേസു കതാധികാരോ അനേകാസു ജാതീസു നിബ്ബാനാധിഗമായ പുഞ്ഞം ഉപചിനിത്വാ തിസ്സസ്സ ഭഗവതോ കാലേ ഏകസ്മിം കുലഗേഹേ നിബ്ബത്തോ വുദ്ധിമന്വായ സത്ഥരി പസീദിത്വാ സത്ഥു നിസീദനത്ഥായ പരിസുദ്ധം സിലിട്ഠം കട്ഠമയമനഗ്ഘപീഠമദാസി. സോ തേന പുഞ്ഞകമ്മേന സുഗതിസുഖമനുഭവിത്വാ തത്ഥ തത്ഥ സംസരന്തോ ഇമസ്മിം ബുദ്ധുപ്പാദേ ഏകസ്മിം കുലഗേഹേ നിബ്ബത്തോ വുദ്ധിമന്വായ സത്ഥരി പസീദിത്വാ പബ്ബജിതോ നചിരസ്സേവ അരഹാ അഹോസി.

൮. സോ പത്തഅരഹത്തഫലോ പുബ്ബകമ്മം സരിത്വാ സോമനസ്സജാതോ പുബ്ബചരിതാപദാനം പകാസേന്തോ തിസ്സസ്സ ലോകനാഥസ്സാതിആദിമാഹ. തം സബ്ബം ഉത്താനത്ഥമേവാതി.

സുചിന്തികത്ഥേരഅപദാനവണ്ണനാ സമത്താ.