൧. പണ്ണത്തിനിദ്ദേസവാരവണ്ണനാ

൧൦-൧൭. നിദ്ദേസവാരേ പന ഹേട്ഠാ ഖന്ധയമകസ്സ പണ്ണത്തിവാരനിദ്ദേസേ വുത്തനയേനേവ അത്ഥോ വേദിതബ്ബോ. അഞ്ഞത്ര വിസേസാ. തത്രായം വിസേസോ – ദിബ്ബചക്ഖൂതി ദുതിയവിജ്ജാഞാണം. പഞ്ഞാചക്ഖൂതി തതിയവിജ്ജാഞാണം. ദിബ്ബസോതന്തി ദുതിയഅഭിഞ്ഞാഞാണം. തണ്ഹാസോതന്തി തണ്ഹാവ. അവസേസോ കായോതി നാമകായോ, രൂപകായോ, ഹത്ഥികായോ, അസ്സകായോതി ഏവമാദി. അവസേസം രൂപന്തി രൂപായതനതോ സേസം ഭൂതുപാദായരൂപഞ്ചേവ പിയരൂപസാതരൂപഞ്ച. സീലഗന്ധോതിആദീനി വായനട്ഠേന സീലാദീനംയേവ നാമാനി. അത്ഥരസോതിആദീനിപി സാധുമധുരട്ഠേന അത്ഥാദീനഞ്ഞേവ നാമാനി. അവസേസോ ധമ്മോതി പരിയത്തിധമ്മാദിഅനേകപ്പഭേദോതി അയമേത്ഥ വിസേസോ.

പണ്ണത്തിനിദ്ദേസവാരവണ്ണനാ.